› 選擇地區
三藩市
紐約
洛杉磯
其他美國地區
香港 台灣 北美
 
2014年11月22日

「剝咗皮仲未死」超殘忍

【獸醫之言】
曾目擊內地狗場屠宰狗隻的獸醫黎昌生,形容殺狗剝皮的場面慘不忍睹,直言狗隻斷氣前一刻都被「虐待到黐咗線」。而關注動物權益組織亦指幾乎所有皮草均以活剝方式取得,極度殘忍,對販賣行為予以譴責。
「有啲狗未死之前係監生成浸皮掹出嚟,有啲剝咗皮都仲未死,眼光光、呼緊吸,可以維持10幾分鐘(才死去)。」黎昌生指,內地殺狗一是用繩勒死,但通常以亂棍打死,「狗皮貓皮來源係好慘嘅,死之前係俾人虐待到黐咗線嗰種」。

相關新聞:睇檔阿伯稱從深圳入貨

應鄙視賣狗皮商人

黎昌生相信狗皮來自內地,他說:「喺街邊,啲車經過有條繩就吊起,捉返去劏。」黎昌生認為,港人應該鄙視售賣狗皮貓皮的商人,視之為人渣,「因為佢哋根本冇尊重生命」。
保護遺棄動物協會發言人陳淑娟指,過去曾經聽過有香港人在冬天偷運流浪貓狗北上,但難以相信香港有貓狗皮販賣。陳淑娟表示,皮草商為保持皮毛光亮,全部以活剝製造,正因為活剝極盡殘忍,不為國際接受,「好殘忍!人類根本唔需要皮草去保暖」。
《蘋果》記者

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載