蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年11月18日
馬上成為壹會員

隔牆有耳:
曾鈺成唔叫學生退場 - 李八方

曾鈺成感冒緊都要出席青年論壇發表演說。 王子俊攝

立法會噚日中午宴請各國駐港領事,身為立法會主席嘅曾鈺成到場打個招呼就閃人,原來佢唔係唔畀面,而係因為轉天氣,感冒不適,聲都沙埋要休息,為免傳染就要缺席。點知傍晚時分佢就現身青協搞嘅活動,演講足足半粒鐘有多,其間談笑自若,中氣十足,唔通咁快好番?
佢演講時主動提到雨傘運動,話唔打算呼籲學生返屋企,仲話同過佔領者傾偈,明白對方自覺做緊正義嘅事,但學生通常一往直前,唔識瞻前顧後,又話古今中外社運多由年輕學生做先鋒,但不能一鼓作氣令制度改進,希望年輕人多啲了解複雜嘅社會因素。
講到議員角色,佢就泛民建制各打五十大板,話立法會無做好協調各方嘅角色,但亦幫泛民講好話,話所謂議會不合作運動唔等於泛民冇晒分寸將所有議案否決,舉例議會上周就用咗20鐘通過一條法案。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載