› 選擇地區
三藩市
紐約
洛杉磯
其他美國地區
香港 台灣 北美
 
2014年11月11日

市民斥轉移視線:佔領因社會不公

昨晚金鐘佔領區仍有大量年輕人留守爭取真普選,用行動向董建華說不。朱永倫攝

【本報訊】普選由真變假,觸發波瀾壯闊的雨傘革命,抗爭持續逾月未退。前特首董建華認為,本港青年的訴求源於苦無向上流動的機會,擔心工作多年無法置業。有佔領區留守者轟董轉移視線,「我哋出嚟嘅最大原因,係社會不公義」;也有佔領者明言自己「唔係冇機會置業,而係唔值得下半生做樓奴!」

相關新聞:8.9%港人自覺是中國人 歷年新低

留守者:唔值得下半生做樓奴

推出副學士以「拖延」雙失青年問題,是「老董」時代的「傑作」。鄭先生副學士畢業後,任文職工作兩年,坦言收入雖不高,卻是自己選擇,「出嚟抗爭唔係緣於冇向上流動機會,董生似係轉移爭取真普選視線。(抗爭)最大原因,係因為社會嘅不公義」。
鄭先生說,在港要搵錢不難,但僅限保險、地產,入職容易,但產業單一,其他行業難發圍,年輕一代難追夢,這才須要從制度上改革。
35歲的羅先生同意董指港青年缺向上流動的機會,但不認為這是港人抗爭主要原因。他自己是為爭取真普選走上街頭,「施政冇希望,前途好迷茫,(青年人) 先咁激烈反抗,係一個連帶關係」。
羅先生明言自己不是沒有機會上車置業的一群,而是樓價經已高得脫離了現實,「唔值咁貴,唔值用半份糧去供,下半生做樓奴」。他更指,自9月底經常到佔領區,眼見不少中產人士也參與抗爭運動,「呢個政府偏袒大財團,太明顯、太過份喇」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載