蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年11月02日

辭職公投助長惡法

【雨傘革命 第36天】

【本報訊】泛民、雙學等團體昨開會討論議員辭職公投。據知雙學仍堅持,但泛民在會上提出不少致命技術問題,特別是五區總辭,泛民最少四個月內失去分組點票否決權,建制派可為所欲為封殺拉布及懲罰違規議員等「惡法」,甚至用特權法查參與佔領運動市民。

記者:呂浩然 莫劍弦

相關新聞:佔領者反對以人大決定作議題

泛民、佔中、學聯、學民思潮及公民團體組成的五方平台,昨晨再開會研究公投可行性,但未有任何結論,今晚要再開會。據悉由於學聯及學民思潮堅持辭職公投,泛民提出多項致命技術問題,例如港府會否趁公投進行期間提交政改方案予立法會進行表決;亦有團體表示,諮詢過部份佔領人士,均表示不認同冒着可能輸掉議席的風險,變相令泛民失去政改否決權。

超級區議會議席隨時不保

除了有關憂慮外,泛民也擔心採取五區總辭方式啟動公投,令泛民在補選舉行期間最少四個月「自廢武功」,失去立會分組點票否決權。公民黨梁家傑指出,泛民目前靠直選議員多建制派兩人,才能在分組點票中否決建制派動議,若少了五名泛民議員,泛民在分組點票否決權立即失守,梁以日前立會否決建制派提出,針對市民以特權法調查佔中組織策劃和資金來源議案為例「好似噚日(前天)嗰種用地區直選18票嚟否決把關嘅作用就起唔到,即係變咗政府可以藉空窗期做好多為所欲為嘅嘢,包括最危險可以改晒啲議事規則,改到佢為所欲為」。民主黨單仲偕亦指,建制派亦可能趁公投期間泛民失守的空窗期修改議事規則,阻止議員拉布。
就算改為以超級區議會議員辭職引發公投,同樣有極大問題,單仲偕指超級區議會的選民基礎,未能覆蓋教師、律師、醫生、社工等大部份留在原有功能界別的專業人士,估計大約涉及21萬選民,「變咗唔係完整嘅公投」,泛民在上次超級區議會選舉,總得票約80.7萬,建制派約為78.4萬,兩者只相差2.3萬人,相差僅1.45%左右,若稍有差池,泛民隨時會輸,到時要「被迫」支持政府方案。
佔中發起人戴耀廷認為,變相公投是希望有程序讓市民議決是否接受人大決定,化解佔領行動的膠着狀態,但舉行公投的話就必須達到有意義的投票,即是要有誘因令建制派參與,又指變相公投與退場機制沒有必然關係。
但學民思潮召集人黃之鋒繼續堅持公投有用,稱獨沽一味以佔領換取真普選機會不大,要尋求突破點,明白難以取得全部人認同及鼓勵,又稱若擔心五區總辭會失去政改否決權,以及被政府趁機通過惡法,成本風險過高,可考慮只由一名超級區議員辭職,黃指凡事怕輸,雨傘運動就不能走到今天,呼籲大家不要怕輸。
理大社會政策研究中心主任鍾劍華認為,以五區議員總辭觸發公投須認真考慮,因為到時泛民將「自廢武功」,「關鍵問題係(建制派)想阻止拉布,一旦(泛民)少咗幾個人,嗰啲拉布,或者賦予所有分組、小組委員會主席都有權剪布,啲不合作運動同埋泛民關鍵少數,用議會程序嚟抵制政府個力量都會冇埋」。

相關新聞:戴耀廷:重選立法會 讓市民表態

泛民失否決權後果

‧建制派可提出並通過修改議事規則,向違反議事規則議員施加懲罰,如民建聯曾建議對投擲東西的議員,可暫停職務及扣薪

‧若建制派提出修改議事規則,封殺議員拉布,泛民將不夠票在大會否決

‧泛民將無法否決建制派通過特權法,調查佔領運動領袖甚至參加的市民

‧所有由建制派提出動議辯論、議員草案修訂等,泛民全部不夠票否決

資料來源:綜合學者及各黨派議員

佔領人士反對公投

韓先生(建築師):
「(公投)政治後果未必負擔得到,應該要同市民討論清楚,唔好好似之前想喺度搞公投,但又cancel。如果議會入面連佢哋(泛民)嘅聲音都冇埋,冇人可代表我哋呢堆爭取真普選市民嘅聲音。」

葉先生(零售業):
「當年五區公投時我已經投過票,最後結果令人失望,今次更加擔心議會少咗泛民五個議員,𠵱家最重要就係唔好退場,因為唔會再有機會號召咁多人出嚟。」

阮先生(建造業人士):
「我唔支持以泛民辭職去引發變相公投,因為始終有風險。(泛民議員)辭咗職之後,政府會有下一着,改變咗遊戲規則嘅話,變咗到時嗰個政制方案會通過咗,都係保險啲好。」

吳小姐(美容顧問):
「我以前唔理政治,從來冇投過票,𠵱家好後悔,令到立法會泛民議員咁少,雖然好想選番自己心目中嘅議員,但擔心公投會令立法會有真空期,建制派提出嘅法案冇人抵抗到。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載