蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年10月30日
馬上成為壹會員

談外部勢力介入佔中 
曾鈺成:梁睇到 我睇唔到

曾鈺成稱看不到有外部勢力介入佔領運動。資料圖片

【本報訊】特首梁振英多次抹黑佔中運動有來自不同國家的外部勢力介入,立法會主席曾鈺成接受有線電視訪問時大唱反調,稱個人看不到有外部勢力介入這場運動,「我睇唔到有,真呀,事實呀。可能佢(特首)睇到,我睇唔到嘛;佢睇到好多嘢,我睇唔到㗎」。曾鈺成稱不認同將駐港外國領事對佔中的關注,也視作為外部勢力介入。

相關新聞:好友唐英年傳投贊成票罷免

料佔中以武力清場告終

曾鈺成表示,除非將駐港外國領事對佔中的關注,視作外部勢力介入,否則「佢哋(外國領事)所表達嘅關注,我唔覺得係一種有心去影響甚至主導,或者去煽動或挑撥任何一方面嘅意圖,我未睇到」。不過他補充,外國一些以推動民主為使命的團體甚至政府,一定留意到香港這場醞釀了兩年的運動,「佢哋完全唔睇,不聞不問,一啲都冇諗過我哋點樣可以幫手,點樣參與呀,我覺得有啲怪怪哋」。
學聯日前提出與政府對話新條件,包括政府必須要求人大常委會撤回8.31決定,又要求直接與總理李克強會面。曾鈺成認為,學聯提出的新條件,等於把對話大門關上,「如果我係中央官員,唇槍舌劍之後,好似上次學聯同政府傾完之後咁,出嚟之後就講非常憤怒,虛無縹緲,然後提出更難達到嘅要求,應唔應該傾呢?」他評估佔中可能以武力清場告終,一是等到八、九成人離開,警方武力清走堅決留守的人;但如果人數仍然很多,有尖銳矛盾,釀成大規模衝突逼警方介入,後果就非常嚴重。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載