› 選擇地區
三藩市
紐約
洛杉磯
其他美國地區
香港 台灣 北美
 
2014年10月22日

「佢踢爆自己偏幫商家」

市民張先生認為照顧基層是政府的責任。袁樂婷攝

【本報訊】梁振英參選前後態度180度轉變,令市民有被出賣感覺。剛結束新西蘭工作假期回港的李小姐,昨參與「佔鐘」,她指每個地方都有窮人,「唔應該剝削佢哋嘅權利」,批評梁振英參選時向基層拉票,上任兩年多已變臉,不但沒設法幫助窮人,反以窮人作藉口,為公民提名落閘,言論離譜。

相關新聞:扮親切 叫學生英文名

施政令社會越來越極端

同行的黃小姐也認為,梁的言論反映他的心底話,「即係講到明,我嘅政策係向有錢人傾斜,佢唔願意接受社會有窮人,我哋係見證佢真面目」。帶同三歲女兒到場的張先生則指,任何有承擔的政府都應照顧基層市民,政策向基層傾斜也十分合理,「(政策)唔向基層傾斜,向邊個傾?」
護士龔先生批評梁振英的言論不智,亦絕非否定公民提名的合理理由,「梁振英反而踢爆自己偏幫商家,唔係一個特首應該公開講嘅嘢」。他指梁振英的參選政綱聲稱會照顧基層,但原來在梁眼中,基層不屬於需要幫助的範圍,「𠵱家諗番,佢當時假到痹」。他續說,政策向任何一方過度傾斜都非好事,但一個真正由民選產生的政府,不一定向基層傾斜,而是傾向民意,「係你(梁振英)嘅施政令到社會越來越極端,唔好推卸責任」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載