› 選擇地區
三藩市
紐約
洛杉磯
其他美國地區
香港 台灣 北美
 
2014年10月16日

MK友:倘被打亦要抗爭

經過昨晚龍和道清場後,佔領者更堅持守住旺角。

【本報訊】龍和道暴力清場,未有嚇怕烽煙處處的「MK友」,有在旺角佔領多日的青年表示,對警察濫用暴力感憤怒,雖然對被毆打都會感驚慌,擔心一旦受傷會影響健康,但認為個人被打是小事,若能令抗爭成功便值得。

相關新聞:醫生:硬物重擊致圓形傷痕

「今次無退路」

20出頭的Kit,連日來留守金鐘、銅鑼灣及旺角,最近「落戶」彌敦道,與友人輪流留守,想起當日警察放催淚彈,他熱淚盈眶,「良心過意唔去」。連日參與,親歷警察不義,他越來越投入,「今次無退路,𠵱家搞到咁大壇佢都可以唔理你,要再搞啲乜嘢佢先會理我哋呀?」
前日警方在龍和道武力清場,他坦言害怕,「你唔知佢會唔會打你,打到你好唔返,但畀人打係好小事,如果我畀人打可以激發多啲人出嚟,令呢件事成功,我覺得都係值得。」他自2003年23條立法開始留意時事,加上國教令他更看到立法會功能組別的醜惡,更殷切想要真普選。
城大學生Christine平日駐守金鐘,今日路過旺角撐場,認為港府採取拖字訣,想陰乾整場運動,她沒想到自己會越走越前,但認同佔龍和道的行動,雖會遭暴力對待,但若時光倒流她也會加入龍和道佔領大隊。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載