【本報訊】旺角群魔亂舞反佔中，佔領者勢孤力弱，無綫電視前新聞主播黃大鈞昨午現身旺角中心，與佔領者一起築成人牆，守護陣地。他說：「前晚第一次到旺角（佔領區），之前去都係金鐘，想到唔同現場睇，好感動，好多人自由發言，秩序好，所有人都可以發言。」
黃續稱，昨見到有建制派議員與商界到場，預視有清場。來到旺角後見到不同的人推撞感失望。他直言希望守着旺角，「希望盡量守住，守得一個得一個」。守護佔領現場，黃大鈞當然擔心有意外，只希望雙方克制，指暴力不可接受。
留守現場，還有37歲的吳先生，他是保安員，罷工來佔領旺角，他說：「冇咩感覺，呢班唔係市民，一定有組織。」19歲的廚師吳先生昨到旺角佔領區，看到反佔中人士衝擊，他決定不上班來保衞，「有同老闆講定，我相信我地哋嘅行為係保護法治，警方唔應該拘捕我哋。警察唔係敵人，好多謝警察好克制，唔覺警察放軟手腳」。吳先生聲言已作了最壞打算，「如果我出事，記住寄張相畀我太太，畀佢知道我係企喺度、唔係瞓喺度死」。
相關新聞：黑社會 鄉紳 招兵買馬掃場
