› 選擇地區
三藩市
紐約
洛杉磯
其他美國地區
香港 台灣 北美
 
2014年09月29日

他們為爭取公義去飲

【抗命時代】
【本報訊】官逼民反,每個人都有去飲的理由。有人赴宴是為了下一代未來,希望子女享有真正普選;有人是因為心愛這片土地,不希望她在689手中繼續沉淪。爭取社會公義不只是佔中三子或罷課學生的責任,每一個愛香港的人都應該要承擔和付出,繼續冷眼旁觀及冷嘲熱諷不會令香港變得更民主,只會助紂為虐,令香港變得更陌生,最後成為梁愛詩口中的直轄市。
記者:林偉聰 袁柏恩 梁御和

相關新聞:催淚彈強攻下 留守迎接拘捕我們要上庭控訴不義政府

劉舒文

28歲
廣告從業員
想同大家講…

「最近facebook好多朋友、好多香港人都將學生相轉做profile picture,我覺得好開心,越來越多人關心社會,關心香港。香港好多議題都值得大家關心。我哋出嚟遊行、示威,好多時候都會問,其實咁樣做係咪真係有用?我坐完咁又點呀?我遊行完咁又點呀,我遊行完繼續返屋企瞓覺?後來我諗咗好多次,當你唔做時,就一定冇用,但如果你行出來,做多步行多步,就一定有用。既然大家咁關心香港,係咪可以做多步行多一步呢?希望大家諗吓自己付出嘅代價,係咪可以比𠵱家更多。」

丁良晨 

26歲
演藝學院學生
想同所有仍未麻木的
香港人講…

「我哋而家嘅生存空間喺度慢慢收窄,你見到生活越嚟越少選擇,希望你哋行出嚟,一齊奪回我哋應有嘅權利!」

相關新聞:換特首也解決不到問題

楊匡

47歲
社運人士
想同各位戰友講…

「各位加油。因為呢個運動十幾年喇,已經無路可退,如果大家仲繼續做以前嘅自己,其他乜都做唔到。望吓大陸,好多人拉咗再出嚟,出嚟再俾人拉,如果我哋唔怕嘅話,勝利真係好近!」

簡浩名

52歲
巴基斯坦裔商人
想同香港人講…

「我膚色同大家唔同,但我同大家一樣都係香港人。我愛香港,我想問香港人,你哋仲愛唔愛香港?你希唔希望我哋下一代喺一個冇民主冇自由嘅社會長大?如果你唔想,請你哋行出一步,一齊爭取真正嘅民主!」

范沛縈

24歲
組織幹事
想同香港市民講…

「我知唔同階層嘅街坊都會被工作、生活掣肘,因此選擇沉默,無法參與呢場運動,但係沒有民主、哪有民生?出嚟支持學生,亦係支持自己爭取民主,讓我地嘅投票不會被壟斷,讓我哋嘅聲音可以去到議會。」

韓連山

65歲
退休中學教師
想同梁振英及共產黨講…

「你拘捕我,仲有千千萬萬嘅香港人會站出來。You can't kill us all. 香港人爭取真普選已經太耐,我哋唔會輕易放棄,我哋會用唔同方法為下一代爭取一個有真正民主自由嘅香港。」

陸冠宇

鍵盤戰線成員
想同梁振英講…

「上次我哋對起錨方案袋住先,結果我哋袋咗你。𠵱家你同你主子,擺出同樣態度要我哋袋住先,似乎今次香港人應該食唔落,只要你一日仲係推行咁嘅政改方案,我哋所有公民抗爭會一波又一波咁嚟,睇住嚟。」

甘浩望

66歲
神父
想同全中國人民講…

「如果我喺佔中行動入面真係俾人拉,我想同全中國人講真正民主係全心、全意、全靈為人民服務!冇其他嘅民主!」

林森成

72歲
林慧思老師父親
想同青年人講…

「你哋有勇氣參加呢個飲宴活動,希望大家豁出去,預備公民抗命嘅責任,公民抗命係好崇高嘅理想,唔係個個抵受到壓力,就算佔中十死士都有人退出運動,我希望大家努力,成功爭取真正嘅普選。」

甄霈霖Lance Yan

平面設計師
想同689講…

「香港特別行政區嘅首席行騙長官689,又名梁振英,我係你嘅良心。你今日所做嘅事,唔止係面對你嘅阿爺,而係面對香港700萬市民。你再執迷不悟,就會成為歷史罪人,你要面對你嘅良心!689!」

吳美蘭

中學老師
想同在天堂的媽媽講…

「媽,你已經離開咗我五年,呢五年香港已經冇以前咁可愛,當初我相信會有普選,但等到𠵱家,2017係一個中共式普選。我知道父母一定唔想女兒行得咁前,但我深信你會明白我。作為公務員可能我會冇咗長糧,但為咗香港未來,香港嘅下一代,我係絕對唔會再沉默。」

李知樂

港大學生
想同保皇黨講…

「你哋究竟有冇廉恥,究竟知唔知自己做緊乜嘢?你哋點解可以出賣自己城市,自己嘅香港,出賣我哋,點解可以咁樣對香港人?唔知你哋真蠢定假蠢,希望你哋會覺醒。好多民主運動一開始都唔知會否成功,但最後都會成功。」

歐陽東

藝術家
想同爸爸媽媽講…

「我知你哋好擔心我,好想我簡單咁組織家庭生活,但喺呢個世代,要平平安安生活落去已經好難,我哋已經冇可能再負擔一個家庭,冇可能結婚生仔,因為呢個世代冇畀機會我哋。所以對唔住爸爸媽媽,我必定要做呢件事,不只為我,也為咗你哋。」

岑子杰

香港彩虹成員
想同男朋友講…

「對唔住,我總係要揀一啲路係要你擔心,但我認為我選擇嘅路,係為咗我哋嘅將來着想。我哋都係同志,我哋喺未來社會會面對好多歧視,我哋有好多訴求希望政府回應,如堅持𠵱家呢一種人大落實嘅方案,我哋嘅議題,永遠唔會喺社會得到討論。」

盧藝賢

嶺大文化研究三年級生
想同弟弟講…

「好多謝你,支持阿哥參與社會運動,亦知道屋企比較大壓力嘅時候,你會幫我向阿媽講:『呢啲嘢如果唔係阿哥做嘅話,呢個社會仲有邊一個做?』社會有好多不公義,我哋每一個都有不同崗位,多謝你幫我頂起屋企嘅壓力,我可以全身投入社運。」

朱凱迪

37歲
土地正義聯盟成員
想同身邊戰友講…

「今次只係我哋第一次佔中,我哋一定佔完再佔,誓不罷休,直到爭取到真普選。亦都要同屋企人講,可能唔係淨係一次俾人拉,可能要俾人拉好多次先可以達到目標!」

郭紹傑

政府救生員
想同家人講…

「我知我係公務員,如果我犯法嘅話有機會炒魷魚,但係我預咗炒魷魚!因為我為咗香港嘅未來同下一代!屋企人成日要為我擔心,但我哋係為香港以後可以有真嘅民主,希望大家體諒同支持我。」

王惠芬

44歲
融樂會前總幹事
想同做緊旁觀者嘅香港人講…

「好多國家享有民主人權自由,其實付出咗好大代價。香港憑乜嘢想唔付出代價就擁有民主?冷漠同旁觀只會令香港越來越差,民主唔會唾手可得。只有透過行動,先可爭取到真正民主。」

彭樂欣

23歲
註冊社工
想同香港市民講…

「我希望每個人嘅生活,或者係理想都被尊重,所以要有一個民主嘅社會,同埋真正嘅普選,咁先可以好平等咁講出自己嘅想法、過自己理想嘅生活。」

何汝瑛

26歲
組織幹事
想同父母講…

「希望爸爸媽媽明白我點解會咁做,明白點解會有一班人寧願犯法都唔驚,要走出嚟,其實係想香港有民主,有更加好嘅發展、一個更加公平嘅社會,希望爸爸媽媽都會體諒我。」

周子俊

29歲
錄像導演
想同女朋友講…

「我想講唔好意思,帶壞咗你。公民抗命呢樣嘢,我幾年前都做過,初時你都好擔心。但諗唔到今時今日,你會同我一齊出嚟。我慶幸女友嘅想法同我接近,有同樣目標,同樣願景,去飲都係為咗我哋未來去做。」

蔡錦源

53歲
香港電視前高級編導
想同佔中三子講…

「戴耀庭教授、陳健民教授同朱耀明牧師,可以嚟飲呢一餐,同你哋坐埋一齊係我嘅榮幸。其次,我想同我個仔講,我今日所做嘅嘢,你會為我驕傲。」

盧松昌

反美孚建屏風樓小業主
想同香港人講…

「真普選遙遙無期,形勢惡劣,但係阿爺只係隨歷史潮流而動,唔代表真理,佢哋只係紙老虎,有朝一日,佢哋都會好似黃河咁向東流,只會好似垃圾咁衝落地底,只要我哋萬眾一心,就可爭取到我哋應得嘅嘢。」

張貴財

新界東北村民
想同兒子講…

「我哋香港社會已經去到好唔掂嘅地步,我所做嘅嘢,希望你一直傳承落去,同埋傳承畀你個仔知道,我哋要一直延續我哋嘅民主自由,我哋應該要有言論自由,香港人唔能夠變成奴隸。」

催淚彈強攻下 留守迎接拘捕我們要上庭控訴不義政府 換特首也解決不到問題 「防暴隊對付市民」應驗 警狂施放催淚彈 市民大罵無恥白煙中 媽媽孩子失散 萬人佔領 銅鑼灣 旺角 梁否認警察會開槍 金鐘星展今早停業 催淚彈 噴椒 鎮壓 傷者逼爆醫療站警鐵腕清場 26人送院 警徵用港鐵列車 為當權者製造混亂 鎮壓手無寸鐵市民警方武力不斷升級 皇仁書院今罷課 示威者疑被屈襲警帶署 動員7,000警 配AR15長槍 封路封橋無理拘留 激發更多人站出來禿鷹督師錯估民情 受阻司機豎大拇指打氣 警直踩數十小時吃不消 王先生:攜子認識社會 淚灑街頭推動社會進步老中青無悔硬撼高牆 黃先生:硬食7催淚彈 警充公音響拘泛民3議員 60司機出錢買水 連日走300轉貨Van義載物資遭警截 眼罩雨衣最為缺乏 300醫護政總馳援 法官指警違例 高院批人身保護令後獲釋之鋒無理被拘46小時 被拖行少女:冇諗過出防暴警 龜縮多時終開腔 拒回應佔中兩大訴求梁振英死撐政改決定 護士生:警鎮壓令人髮指 沈祖堯求學生「LEAVE NOW」 梁全程微笑 官員肅穆 林鄭再𠱁住先:政改大局未定 李源潮促請各界維穩 佔中遍地開花 警方噴椒 射催淚彈 藝術家圖跳橋抗爭 女警遭數百人包圍 示威者越六行車線 市民「解放」干諾道中 金鐘道戰線推向中環 三子提前佔中 被指騎劫學運 學聯呼籲最重要團結 戴耀廷哽咽:香港人好嘢 梁麗幗願犧牲當律師機會 不怕疲累艱辛 只怕沒真普選三民主老將堅定抗敵 環保界聯署譴責暴力驅趕 陳淑莊成佔中先頭部隊 一向守規矩 余若薇為公義抗命 程翔做好準備長期抗爭 今或失守牛熊線 港股短期弱 金管局兩輪演習 確保銀行維持運作財金地產界Plan B應變 安永員工憂今難上班 證券行設後備辦公室 港鐵港島及荃灣綫不停金鐘站 新巴城巴77線受影響 金鐘商戶晚上陸續關門落閘 王丹吾爾開希台北聲援 佔中之路飽歷風霜 政總體諒無法上班員工 為手無寸鐵的學生打氣 無懼鎮壓六萬人佔中叫梁下台
蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載