› 選擇地區
三藩市
紐約
洛杉磯
其他美國地區
香港 台灣 北美
 
2014年09月23日

巿民撐罷課:「去飲」預埋我

佔中發起人之一的陳健民現身中大為罷課學生打氣。馬泉祟攝

【本報訊】不合作運動第二波正式展開,不少巿民昨日到中文大學聲援,當中不乏決定下一步「去飲」或「觀禮」的「準賓客」。有巿民指人大落閘後,再無溫和的方式表達訴求,除了表明「去飲預埋我」之外,更希望社會上有智慧的人可帶領群眾進行更激烈的抗爭行動,希望下一代不用走自己走過的路。
余先生在香港出生,50多歲的他,自言從來對政治冷感,兩年前國教一役才突然驚醒,「年輕人(罷課)有見地,我自己預咗去佔中,因為𠵱家已經冇一個可以溫和表達嘅方式,我仲希望啲有智慧嘅人,可以領導我哋做啲更激進嘅嘢去爭取」。
任職室內裝修工程的余先生,孫兒三歲,「後生嗰陣我乜都唔理,釣魚台、五四運動嗰啲我都唔知,可能殖民地教育太好,又掛住搵食,所以冇醒覺,你問我𠵱家爭取到(普選)對我有乜好處,但我哋唔行出嚟,下一代就行唔到出嚟,我唔想個孫行我哋行緊嘅路」。

相關新聞:無懼艱辛學生徒步上山

佔中二子現身受歡迎

曾打政府工的陳先生已退休,對爛普選方案極憤怒,「要攞提委會過半數,政治光譜肯定差唔多,肯定冇真正選擇」。有指罷課、佔中無用,他指「讀過書嘅人都唔會講出咁荒謬言論」,「𠵱家係知其不可為而為之」。他支持佔中,但憂身體未必能在前線抗命,會在場邊支援。
理工大學李姓教職員也現身中大,扣上黃絲帶支持罷課。她坦言不相信短期內有真普選,但今次學運對年輕人以至整個社會都非常重要,「畀佢哋體會自主嘅重要,人都係咁成長,自己有say」。她說還未決定10.1「去飲」是否會坐低等被捕,但會一直用自己的方式,支持港人爭取真普選。
佔中發起人戴耀廷及陳健民昨日均有現身百萬大道,兩人穿了黑衣撐罷課,但只在旁邊的花槽附近默默聲援,其間被不少大學生認出,紛紛被要求做簡短訪問或合照。

【動LIVE】萬人罷課 蘋果全程直播:
和平佔中: http://occupycentral.appledaily.com
YouTube: http://bit.ly/occupycentral

相關新聞:17歲女生:我知我做緊乜指佔中值得 願為港前途付出代價

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載