› 選擇地區
三藩市
紐約
洛杉磯
其他美國地區
香港 台灣 北美
 
2014年09月23日

告誡下一代勿受中共欺騙 袋住先隨時袋一世
公公婆婆 齊為子孫站出來

【抗命時代 大罷課之守護學子】
【本報訊】撐着柺杖,提着痛腳,在抗命年代怎可以少了爺爺、嫲嫲、外公、外婆?昨日火熱的百萬大道旁,頂着白髮的「老友記」三三兩兩坐在石級上撐學生,有人游過怒海偷渡來港,以為可以帶下一代逃出中共魔掌,有人以為一時屈辱換來國家更好發展,結果成為芸芸受騙的知識分子之一。過來人告誡下一代勿忘中共本性,所謂「袋住先」,隨時和他們一樣「袋足一世」。
記者:張嘉雯 馬志剛 鄭啟源

相關新聞:無懼艱辛學生徒步上山

一個拿柺杖,一個「撞聾」,70歲的馮先生和78歲陳先生昨日結伴到中大,兩個死黨笑言有兒有孫,就是看不過眼中共欺負學生。1959年游水來香港的馮先生,當年因為大饑荒「冇得食」毅然投奔怒海,豈料香港漸漸大陸化,「𠵱家逐漸逐漸變,變到好似大陸咁,以前梁振英呢啲咁嘅人邊上到台呀?」他希望學生們可以堅持,不要接受「袋住先」,自己則未決定會否佔中,「共產黨唔講信用㗎,應承咗啲嘢又出爾反爾,信唔過」。
陳先生亦是多年前由內地來港,指抗爭是「知其不可為而為之」,「希望國際知道㗎咋,大陸唔聽你㗎,做乜都冇用,佢最唔講信用,乜嘢都敢做,雖然我哋做乜都冇用,佢都覺得係小意思㗎箒,但大家組織出嚟,睇佢拉得幾多個」。

「𠵱家唔出嚟,第日冇得出」

在內地長大的陳先生,指中共的控制無孔不入,「我哋幾廿歲人,知道佢來龍去脈,一般正義嘅人都唔會支持佢,有佢講,冇人講。𠵱家我哋下一代好慘,變咗扯線公仔,我哋就年紀大,係啲孫、啲細路慘咋,𠵱家唔出嚟,第日冇得出嚟」。
來港37年的楊先生,今年已經66歲,懷着守護學子的信念,由火車站走路到中大本部集會,全程跟着學生拍手,又高喊口號,直言對於人大落閘「非常嬲」,「篩選嚟㗎,乜嘢一人一票箒,選出嚟都係你鍾意嘅人,咁邊度係民主?」
楊先生指,香港的未來正正是屬於這些年輕人,對於中大前校長李國章指罷課無用,他不以為然,「點會冇用,你睇大陸啲人幾驚就知啦」。他不滿有傳媒抹黑學生,指學生全部自發,沒受煽動,「罷課咁輕微都唔畀人做,好獨裁,點都唔畀你話事,唔畀你自由。人人都有自己思想,大陸係都要壓迫人哋嘅思想,人生活喺世界上係有尊嚴㗎嘛,你當我哋畜牲嚟㗎?」
本身是中大校友的黃先生,畢業於60年代,昨日重回百萬大道,不勝欷歔,指人大落閘意味香港完全失去自主權,他直言曾信任共產黨,結果換來一次又一次失望,「中國呃我哋,呃完一次又一次,結果係永遠失望,以前以為咁樣係為咗中國好,由延安時代嘅知識分子到𠵱家,仲係俾佢呃到,你仲話佢信得過,可以袋住先,真係可以forget it」。

相關新聞:17歲女生:我知我做緊乜指佔中值得 願為港前途付出代價

【動LIVE】萬人罷課 蘋果全程直播:
和平佔中: http://occupycentral.appledaily.com
YouTube: http://bit.ly/occupycentral

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載