› 選擇地區
三藩市
紐約
洛杉磯
其他美國地區
香港 台灣 北美
 
2014年09月09日

隔牆有耳:全城打爆2949 3193
白色恐怖熱線 變外賣電話 - 李八方

高登巴打即時惡搞「白色恐怖熱線」,呼籲大家打去嗌外賣。 互聯網

噚晚八月十五,仍要工作嘅八方獲得坊間傳來一個外賣電話「2949 3193」,聽聞係由張融主理,即叫即煮,但打咗成晚,都係冇人聽,上網一睇,驚覺全城都打緊呢個電話,但原來唔係外賣電話咁簡單,其實係「白色恐怖熱線」,齊齊舉報曳曳搞罷課嘅中學生。

有學生舉報哈利波特

張融噚日同班左仔,捧住個電話號碼大合照,呼籲各界舉報參與罷課嘅學生,不過咁膠嘅行為,唔使半日已經俾網民惡搞,有人率先將大合照惡搞為「我哋好想食外賣!」如果唔打去叫外賣,高登嘅「心事分享台」都有人推介,打去呢個電話傾訴少男少女心事,有人仲衰,話呢個電話或者可以帶你去到人生另一個「高潮」。
有學生就做實事,單新聞一出,即時打得通個電話,話要舉報壞學生,反佔中秘書處嘅職員引頸以待,點知學生話:「霍格華茲嘅哈利波特罷課喎。」呢位職員哥哥聽到之後,膽敢唔處理,叫個學生走去同哈利波特溝通吓,即時cut線。呢一幕即時諗起軟硬天師N年前嘅《老人院時間》。
反佔中唔受理哈利波特罷課唔緊要,有網民就提供咗一張名單,等住大家舉報,包括聖保羅書院預科生曾德成,舉報佢擁有375張煽動性標語,其他包括五邑司徒浩嘅李慧琼子、聖士提反堂嘅Tree根、聖保羅梁美芬、白約翰陳恆鑌、漢華陳克勤、香島吳亮星、黃定光、南屯官何俊賢。仲有網民好叻,搵番左仔祖宗毛澤東嘅話語,「學生罷課叫警察抓人,這是國民黨的辦法!」

李八方
mailto:pf_lee@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載