› 選擇地區
三藩市
紐約
洛杉磯
其他美國地區
香港 台灣 北美
 
2014年08月26日

范太抹黑戴耀廷做法錯誤

范徐麗泰昨批評和平佔中發起人戴耀廷做法錯誤,因為立場越硬,中央也亦會企硬。有線電視畫面

【本報訊】身在北京的全國人大常委范徐麗泰昨稱,香港無資格與中央談判,又批評和平佔中發起人戴耀廷做法錯誤,因為立場越硬,中央也亦會企硬。戴耀廷回應指,公民抗命是要發出沒有真普選、政府難以管治的警號。
范太昨在北京接受訪問時稱自己是首次批評戴做法錯誤,但其實范太兩個月前才批評佔中百害而無一利。范太稱可以「大膽講句」,中央不會因佔中的不合作運動而改變決定,反而適得其反:「我可以好清楚話畀你聽,好似戴耀廷呢類行為、呢種言論越係多,(人大)常委會嘅決定係越係具體,越係唔會好似佢哋(佔中)希望可以做得到。」

戴斥本末倒置

范太稱,香港只是一個地區,沒有資格同中央談判:「(人大)常委會係全國最高權力機構,冇談判呢件事,同中央係冇談判,有對話有交流。」范太指,以違法手段威逼中央,只會令到中央立場更硬,否則日後只會令到更多違法與威逼中央的行為。
范太更指戴耀廷若要做甚麼,應該自己去做,不應叫年輕人作先鋒,指家長會擔心子女參加佔中會有不良影響。戴耀廷澄清從來沒呼籲年輕人參與佔中。
戴又反指范太言論本末倒置:「我哋係想向社會發出一個警號,如果冇真普選,香港管治只會越趨嚴重,管治只會變差,不能透過一個有篩選嘅選舉解決到問題,正如有間屋火災,有人見到火警叫『火燭』,但看更話你嗌得好嘈,所以叫你唔好嗌,但即使你能禁止我們唔叫火燭,係咪代表場火唔喺度?你用精力叫人唔好嗌,但點解你唔去救火呢?」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載