蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年08月16日

隔牆有耳:
公記區二代挑戰元老 - 李八方

據悉李錦明(左一)對於世姪韋德麟要選佢個區好有意見,鬧出退黨風波。資料圖片

沙田老牌地區政團公民力量同新民黨結盟後,銳意革新,陸續有新面孔接班。沙田友同八方講,公記前沙田區議會主席韋國洪個仔韋德麟,早前加入新民黨,𠵱家做公記社區幹事,對明年區選躍躍欲試。
區二代青出於藍,沙田友話韋德麟無意喺韋國洪老巢徑口村去馬,反而睇中新翠邨選區,而呢個區現任區議員李錦明係公記元老,隨劉江華打江山、同韋國洪等一班兄弟拍住上廿幾年,對於世姪要上位,八方聽聞李錦明好有意見,揚言要退出公民力量。
公記向來團結,罕有退黨事件,李錦明噚日同八方講「暫時未正式退黨,仲傾緊」,表示聽聞韋德麟「好似」想出選,表現「好有信心、有把握」,又透露曾與新民黨主席葉太講數,「但冇乜決定」。李錦明話自己雖然已64歲,「不過身體仲好健康」。
知情人士指公記同葉太都認為李錦明支持度一般,加上做多一屆年近70,故寧願換馬。韋德麟30歲,係註冊社工,韋國洪話阿仔只係「跟吓地區工作」,暫未決定係咪參選,「都冇位,去邊度選?」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載