› 選擇地區
三藩市
紐約
洛杉磯
其他美國地區
香港 台灣 北美
 
2014年08月13日

古洞「百厭妹」抗爭到底

鍾曉晴在古洞住了10多年,與家人都沒想過被迫走上街頭抗爭。

【本報訊】在古洞住了10多年的鍾曉晴,爺爺早於戰後便在古洞村定居,與不少村民一樣幾代同堂,與家人都沒料到被迫走上街頭抗爭。她說村民面對壓力之大非外人能理解,「我哋傾又傾過,信又寫過,鬧又鬧過,但政府係唔聽,我哋仲有乜嘢可以做?」

相關新聞:官員不肯開會商討安置

官員態度強硬無彎轉

現於中大就讀文學及教育學士課程的鍾曉晴,去年在東北發展立法會公聽會上,以新亞書院校訓駁斥發展局局長陳茂波,批評他和家人在古洞囤地損害誠信,並衝前向他遞上一本聖經,希望同為基督徒的他醒覺。一年過去,東北發展如箭在弦,早前又粗暴通過前期工程撥款,曉晴坦言:「我哋真係諗唔明點解政府一定要咁做,點解乜都冇得傾?」
她幾歲便在古洞村內居住,家住「牌仔屋」,與鄰居關係融洽,自小已是村內的「百厭妹」,「個個都知我係姓鍾嗰戶人,雖然未必叫得出我個名,但大家好互相幫忙」。她說很多村民都不明白為何官員的態度如此強硬,令事件毫無轉彎餘地,「我哋會撐到底,但係之後係點真係諗唔到」。
曉晴說,曾與內地寧波學生交流一個多星期,對方得知東北發展後都大感訝異,因為內地近來越來越重視農業自給率,更着重食物安全,「佢哋都識話要嚟香港買菜,因為我哋食安做得最好,若果連呢樣都冇埋,唔知香港仲點解值得嚟?」她盼梁振英政府改變只懂拆村起樓的政策,「香港唔應該只得一種發展模式,我哋古洞除咗農業仲有工業,知名醬油廠喺度生產,拆咗就搵唔番」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載