› 選擇地區
三藩市
紐約
洛杉磯
其他美國地區
香港 台灣 北美
 
2014年08月12日

「佢哋死咗,我就得以重生!」

【本報訊】周凱亮主動向警方剖白對父母及兄長的不滿又細數年少時的負面事情,包括他想安靜溫書父親卻拉二胡或睇波騷擾他,小學時目睹副校長及老師經常摑學生,加上母親對他成就上的不滿,令他產生極大壓力。為了解決問題,他決定展開殺人大計。他說:「佢哋死咗,我就得以重生!」
周認為與父母對家庭及思維上不一致,加上自己人生的失敗及父母對他的期望有落差,令其抑鬱及負面情緒醞釀足足廿年。對於父親,他批評:「佢本身非常自以為是,將所有唔係事實嘅嘢攞嚟認叻或責怪我,非常自我中心!」他指父親「鍾意嘅嘢就唔考慮人感受」,舉例說,若他想在家中靜靜溫書,正睇波的父親總拒絕調低電視音量,又或會繼續拉二胡,他投訴後會「俾佢鬧番轉頭」。

相關新聞:儲值卡聯絡 暗號「00」即平安

對母失望表情感極大壓力

警員問他,父母有否不滿其成就而打罵,周坦言:「家用畀唔夠就唔會鬧,但就用一個對我好失望既表情……每次阿媽望我,唔知點解都有一個極之憂鬱的面部表情。」母親的表情令他產生極大壓力。至於兄長,周形容:「冇乜嘢講,互相尊重大家私隱,但大家啲生活同思維唔同。」
周指父母經常爭執,而父經常打兄,兄亦趁父母返工時打他。他讀小學時曾目睹老師與副校長經常摑學生,中學時他成績欠佳,又遭黑社會恐嚇,曾因打架被記過,在這種環境成長令他建立負面情緒,只看到和記住「人哋唔好嗰邊」。
直至2012年9月,他向謝透露將於30歲生日前自殺,惟謝說「橫掂你都係死,殺人都係要死」,反建議進行報復計劃。最後周被勸服打消自殺念頭,「我諗到成世人,俾最大壓力我嘅就係佢兩個(父母),不其然就有咁嘅(殺人)計劃」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載