› 選擇地區
三藩市
紐約
洛杉磯
其他美國地區
香港 台灣 北美
 
2014年08月07日

隔牆有耳:
恒管面試 問嫁豬定狼 - 李八方

恒管副校長方梓勳(左四)話,問申請入學女同學想揀梁振英定唐英年做老公,唔少少女被嚇窒。

「如果畀你揀,你會揀嫁畀梁振英定係唐英年?」吓?唔係嘛?問呢啲?噚日恒生管理學院講開入學面試難題,副校長方梓勳話,舊年曾問考生呢條刁鑽問題,測試其思考能力,究竟少女們會選擇嫁畀隻豬定隻狼呢?方教授話,大部份學生答:「兩個都唔嫁!」有女仔更即場「出櫃」,表明對男士冇興趣。
嘩,你都咪話啲妹妹唔醒目,佢哋有讀通識㗎嘛,應該分辨到咩男人先嫁得過,例如睇吓對方誠唔誠實、涼唔涼薄咁啦。方梓勳話,本來想考吓同學仔嘅應變能力,了解吓佢點諗嘢,冇政治目的㗎,今年就唔再出呢啲題目,費事再嚇親啲少女啦!

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載