› 選擇地區
三藩市
紐約
洛杉磯
其他美國地區
香港 台灣 北美
 
2014年07月18日

隔牆有耳 :
葉劉拍戲想重操故業 - 李八方

可以同張家輝、鄭秀文等巨星一齊拍劇,葉劉(右二)即刻集郵。

葉劉淑儀最近撈過界,喺卓韻芝執導嘅新戲《失戀急讓》降呢做區議員「葉劉淑之」。據聞唔少人讚葉劉好戲,原來除咗後天官場訓練,先天遺傳功不可沒,事關葉劉嘅媽媽華彩鳳係電影明星,同吳楚帆、白燕拍過戰後首套粵語片《郎歸晚》,而佢小三嗰年都攞過校際戲劇比賽「最佳女童角獎」,演技怪不得有番咁上下!

葉劉肯零片酬獻出第一次,全因舊同學俞琤開到口請佢幫阿芝手。葉劉自爆有日差啲俾影帝張家輝嚇親,對方猛問佢背熟台詞未?查實佢根本零對白。葉劉話若有下次最想做番老本行、即係保安局局長。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載