› 選擇地區
三藩市
紐約
洛杉磯
其他美國地區
香港 台灣 北美
 
2014年07月17日

醫生:握拳泵血逼不得已

男嬰因黃疸偏高,上周在伊利沙伯醫院日間醫療中心兒科診所抽血後,右手多處呈現紫色。受訪者提供圖片

【本報訊】男嬰父親表示抽血員形容所用的方法,是握着嬰兒拳頭「泵血」。兒科專科醫生馮宜亮認為此方法是「逼不得已而用嘅方法」。馮解釋:「有種情況,根本搵唔到條血管,就索性拔針,但傷口會繼續流血,係嗰度一滴一滴流,如果攞一兩滴少量係可以,但因為冇個窿,要輕輕揸隻手,先谷到血出黎……因為啲血分畀皮下同皮上組織,瘀嘅程度會高咗,如果用泵嘅方法,肯定瘀就會嚴重咗」。

相關新聞:QE抽血 BB手指瘀到紫父母質問 醫護叫「唔好搞大件事」

馮坦言「醫生(為嬰兒)抽血都好難,咁細條血管,再加小朋友身上多肥膏好難搞」,他建議如抽血員要用上述的方法泵血,「可以先同媽咪講我唔想整瘀佢,不過我因為用呢個方法,會搞到佢瘀咗一大撻,過幾日會散,咁個媽咪就冇咁嘮嘈」。
伊利沙伯醫院表示已提醒抽血員,由於嬰兒血管極幼細,為嬰兒抽血時必須格外小心。而抽血員為嬰兒抽血時,其父母可以陪伴在側。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載