› 選擇地區
三藩市
紐約
洛杉磯
其他美國地區
香港 台灣 北美
 
2014年07月14日

助理工程師:盼港人付出

李楠燦指當日被警方粗暴屈手腕帶走。

李楠燦,22歲,助理工程師,第三年7.1上街,一度猶豫是否留守。「我見唔到真普選嘅希望,中央好可能推出高篩選嘅普選,需要更多人出來表態。從來公民抗命都係要付出,由下而上去爭取,唔係乞求在上位嘅人賜予。晚上10時多我下定決心留守, 朋友半夜前就離開,大家都要返工返學,我都諒解。 」

相關新聞: 「唔行呢一步 隨時做奴隸」

哀警察淪政治打手

「大概清晨6時多我被抬走,我完全冇用力,手被屈了,我叫痛他就收一收。我哋完全冇反抗,但佢哋都用武力。嗰一晚我感到憤怒,就大聲叫喊,問佢哋嘅良知去咗邊,但警察都冇反應同表情。當下我覺得好傷感,警察已經唔係我心目中嘅警察,變咗政治打手。」
事後,李楠燦原本對香港的前途沒有奢望,「咁多人出嚟都唔受重視,甚至被抹黑,加上議會失效,特首態度強硬,都令我很失望」;但當他看到有五百多個同路人,又覺得香港仍有希望。「只望將來和平佔中嘅人會越嚟越多,但到底係咪有咁多香港人願意拋低自己嘅利益,去犧牲一吓呢?」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載