› 選擇地區
三藩市
紐約
洛杉磯
其他美國地區
香港 台灣 北美
 
2014年07月14日

「唔行呢一步 隨時做奴隸」

文明社會不再需要刀仔、手榴彈,暴力革命就同中共一樣,專權,死梗!——電子工程人員 黃志華

黃志華,52歲,大專學歷,曾任職電台、電視台電子工程人員,專責維修,現失業。7月2日清晨在遮打道留守至最後一刻,8時正和其他人一齊站起來歡呼。沒有被抬,不過被捕,11小時後獲釋。
「今次是我首次參加靜坐,亦是第一次被捕。往年7.1都有去,不是次次去,有重大議程佷不滿就去。今年梗係吳亮星啦,新界東北前期撥款夾硬嚟,呢次可以係咁,下次就係23條,咁香港就變大陸,《蘋果》冇得做、律師要坐監,所有嘢倒退。

相關新聞:「齋行死得,抗爭升級」

「每個人都要犧牲少少」

我主張『和理非非』,用最少傷亡達到目的,爭取公民提名。我們用這方式,才可以感動更多人參與下一波行動。力量在於大眾,不在於暴力。有人說我們是暴民,『對唔住,絕對唔係!』文明社會不再需要刀仔、手榴彈,暴力革命就同中共一樣,專權,死梗!」
決定留守前,家人知道嗎?事前有沒有商量?「冇,亦都唔需要。我係一個獨立個體,唔係受人煽動,我好清楚自己做緊乜,係自願犧牲嘅。」家人當然反對,不過只是基於關心安危,不是反佔中。他們不關心政治,不理解(抗爭)因由,跟他們解釋又會有紛爭。(記:所以冇解釋?)「好似同冇興趣踢波嘅人講波咁,冇可能。屋企人有叫我唔好再去,但我唔會聽」。
(記:會否因屋企人不理解而失望?)「唔失望,行動總係由一小撮人突破盲點,之後更多人覺醒、跟隨,共產黨最怕呢樣嘢。要保住香港,每個人都要犧牲少少,行出一小步。我不想學生留案底,多一個人坐下,他們就少一個機會要留案底,尤其學生是為我們發聲,我不希望見到他們犧牲太多,所以必然要站出來。我有番咁上下年紀,犧牲細啲。今日唔行呢一步,大家準備做奴隸」。
「我同其他人傾過偈,好多都唔係咩團體、組織,係自發嚟嘅平民,點知嘅呢?入到警校,警察畀個封套我哋入住個電話,好多人入咗,想用時又拆爛個封套拎番出嚟,警察即刻叫停話𠵱家係政府物品,又封番佢,證明好多人都唔知程序」。
當日只是堵塞一小段遮打道,還要是半夜非繁忙時段,講明第二天早上8時就走,「咁小代價換取社會進步,咁都唔肯?唔可以只係批評抗爭手段,唔理抗爭原因,原因就係政府不義,無視社會現實!」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載