› 選擇地區
三藩市
紐約
洛杉磯
其他美國地區
香港 台灣 北美
 
2014年06月18日

世盃Office 食住睇4K直播

【與眾同樂】
【本報訊】巴西世界盃開鑼,無綫只免費播放22場賽事,打工仔四出找地方睇波之餘,又擔心翌日遲到遭老闆斥責。有走美式管理的本地網絡公司,不但開放公司設300呎足球區大銀幕直播64場賽事,還全天候供應薯片啤酒,甚至購買50吋4K高清電視播放4K賽事,加上公司實施彈性上班時間,打工仔無後顧之憂晚晚睇世盃。
記者:蔡朗清

本地互聯網公司超凡集團上月搬遷至炮台山友邦廣場租用全層,逾萬呎辦公室採取開放式設計,中央設300呎足球區,並裝上投影機投放約100呎巨幕,另添置兩部樂視50吋4K的超高清電視機。一班20多歲年輕男女職員圍攏在巨幕或4K電視,一邊觀賞世界盃賽事,一邊喝啤酒食薯片。看得興𡚒,員工更可肆無忌憚拿起足球搓波。
超凡董事總經理葉碩麟(Alan)與員工打成一片睇波;他說,公司經營網上廣告,設計apps等,採取美網營運管理,「開放式辦公室設計有助員工溝通」。新搬辦公室適逢世界盃,公司決定付費在公司播放全部64場事,24小時開放辦公室供職員睇波,「以前員工去酒吧通宵睇世界盃,睇完已經天光,趕返屋企梳洗再返工,好辛苦」。

設彈性上班時間

Alan說,公司選址友邦廣場睇中其有泳池及健身室,「員工喺公司睇完波,有地方沖涼,仲可帶埋睡袋嚟瞓」。公司免費供應薯片小食及啤酒,讓員工邊食邊看波,又設有按摩椅給員工充電,以及設有遊戲房供員工打機玩足球遊戲,「我哋仲買咗兩部4K電視畀員工睇世界盃」。
該公司更實施彈性上班時間,讓看波「瞓過龍」員工可稍遲返工,「總之一個月做足指定工時就得」。他表示,已宣佈世界盃決賽賽事翌日,員工可放半天假,「世界盃對僱主嚟講唔係壞事,我哋咁做可增加同事對公司的歸屬感同團體精神。」
既是球迷又是影音發燒友的職員Michael表示,「用(4K電視)睇球員表情睇得好清楚。」另一員工阿達說,滿意公司做法,「特別係彈性上班時間,睇完波唔使趕返工」。
本月初剛引進樂視網絡電視機頂盒的壹壹科技助理巿場經理麥振輝指出,樂視4K電視價錢大約7,000元,吸引公司客及球迷購買。
電腦商會創會會長張耀成表示,部份專做研發或後勤IT公司,在世界盃採取彈性上班時間,方便員工睇波。

識睇 一定睇蘋果嘅足動世盃:
http://worldcup2014.appledaily.com/

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載