› 選擇地區
三藩市
紐約
洛杉磯
其他美國地區
香港 台灣 北美
 
2014年06月18日

林新強:共產黨好偉大

林新強

【本報訊】律師會會長林新強為一國兩制白皮書護航,認同法官愛國無問題,不影響司法獨立,遭法律界炮轟,質疑他無視司法獨立重要性,有律師正尋求50名律師會會員聯署,要求召開會員大會質詢林新強。林新強昨再談及「愛國愛黨」問題,直言:「我覺得共產黨係好偉大,因為佢係將我哋個國家帶領到一個新紀元,我係好欣賞佢哋」。

相關新聞:恐事態升溫 押後簡介會 京改派陳佐洱硬銷

律師尋求會員聯署質詢林

律師會憲制及人權事務委員會委員任建峰昨接受《壹錘定音》訪問時,斥林新強前日的言論「幾乎每一樣都係一派胡言」,直言如林新強以個人律師身份發言,並非以律師會會長身份,「大家根本唔會咁重視」。
任建峰說,希望獲得會內50個律師聯署,交理事會後召開會員大會,討論應否要求林新強撤回言論,及會否對林新強作出不信任投票。
林新強昨日接受香港電台節目《中國點點點》訪問,不願再回應有關白皮書的問題,稱「我唔係搞政治嘅,我哋係法律人」。面對律師會會員的批評,被指護航白皮書言論不代表律師會,林新強說:「我哋有9,000個會員,我相信好難個個會員睇嘢都一致,所以我哋理事會有我哋理事會睇嘢嘅方式。」林新強更表示「我就係代表香港律師會,我講任何嘢都係代表律師會」。
至於為何律師會沒有發出轄下憲制委員會草擬的聲明,回應白皮書,林表示,「律師會如果出咗聲明,就有聲明,冇出聲明就冇聲明,我哋內部運作係點樣?呢個係唔對外公開」。
至於法官須愛國不影響司法獨立的說法,林新強昨沒有再解釋,表示愛國是出自內心、很抽象,難以定義。
林於前日的記者會上,稱目前沒有法律文件指效忠等於愛國,「但係呢個定義遲早都要喺法律上一定要定到出嚟。」他昨日受訪時強調,「我從來都冇講過係要將愛國愛港呢樣嘢做一個法律定義,係冇嘅,千祈唔好聽𠵱家坊間嗰啲人講,你最好聽清楚噚日我整個同傳媒說話嘅過程」。
節目主持人問他是否愛共產黨,林新強說:「呢個比較敏感嘅問題,我唔會去答你呢個問題。我覺得共產黨係好偉大,因為佢係將我哋個國家帶領到一個新紀元,我係好欣賞佢哋。」

【622公投 我撐普選】 毅行直播
流動版網頁︰ http://622popvote.appledaily.com

相關新聞:白皮書損一國兩制法律界6.27黑衣遊行

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載