› 選擇地區
三藩市
紐約
洛杉磯
其他美國地區
香港 台灣 北美
 
2014年06月18日

朱凱迪:投票彰顯公民能量

朱凱迪抱着女兒朱不遷呼籲市民6.22投票,為下一代爭取理想的成長環境。黃偉傑攝

6.13立法會爆發反新界東北激烈示威,續集將會在6.20上演。土地正義聯盟朱凱迪從反高鐵前鋒,變成反東北後衞,見證不義政制如何把社運推向激進。他認為更激進的行動,應留給往後的民主運動。站在佔中大後方的普羅大眾應把握機會,在6.22透過選票發聲。

反高鐵一役,朱凱迪形容是敗了一仗,「當年冇試圖入去立法會停佢個會,反而係投完票先包圍」。見證反高鐵一役的年輕人,不欲在東北重蹈覆轍,「如果冇6.13,東北方案已經過咗。政府要明白激烈狀況可以避免,6.20唔應該發生,否則係不能迴避嘅硬着陸。市民已經覺得6.13(粗暴剪布)唔啱,咁6.20可以點呢?唔通大家坐喺度睇住佢過咩?」

相關新聞:默站籲投票

6.13示威值得佔中借鏡

朱凱迪認為,6.13示威在組織力量下,已尚算「節制」,值得佔中借鏡,但同時帶來隱憂,「東北打咗一輪,會唔會嚇走啲人?但係之後要搞公民抗命喎,東北係現實處境,你唔可以帶住泛民嗰種潔癖去諗佔中。東北好歡迎各方支援,咁佔中歡唔歡迎?你會唔會問最前面嗰個係咪熱血、自治嘅人?咁你嘅群眾力量喺邊度嚟?」
朱凱迪把佔中比喻為焗麵包,6.22就是按啟動掣,「搵晒靚材料整,擺埋入焗爐,市民要㩒個掣,大家先至有得食」。這是目前唯一機會,讓公民社會彰顯過去一年多匯集的能量,「如果市民唔想煩,6.22已經係最唔煩嘅行動。你一日上網都上幾粒鐘啦,download個app㩒個掣有幾難?」
自從女兒不遷兩年多前出生,朱凱迪退下前線,為反東北陣營作後盾。他恐怕女兒成長的環境會更艱難:篩選式普選下,特首政績差劣,手握權力卻更大,「但係唔代表冇咗民主運動。我𠵱家做嘅嘢會累積畀下一代繼續行,佢會繼續爭取有尊嚴嘅生活」。
記者 白 琳

【622公投 我撐普選】 毅行直播
流動版網頁︰ http://622popvote.appledaily.com

相關新聞:黑客襲香港2020 陳太籲警跟進

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載