› 選擇地區
三藩市
紐約
洛杉磯
其他美國地區
香港 台灣 北美
 
2014年05月17日

移民加國 港人承諾傳播真相

馮玉蘭移居加拿大仍毋忘港事,最近便出席多倫多聲援佔中運動。

【本報訊】六四後移民外國的香港人,以加拿大作終站的最多。現任港加聯理事馮玉蘭(Gloria)於89年離港移居多倫多,她說:「我曾經對中國好有幻想,相信國家可以走向民主,但係六四完全消滅咗我嘅期盼。因為六四,促使我當時決定離開中國,移民加拿大。」
1984至89年間,Gloria在中國從事農業發展工作,為歐洲機構向中國借貸提供意見。她大部份時間在北京生活,八九民運大約在4月中開始,Gloria親自見證至運動悲劇終結。
民運爆發後,Gloria每天都到天安門觀察,直至六四屠城,她都在場。一直住在北京飯店的她,六四翌日決定與大群香港記者及支援民運的港人一起離開。她說:「朋友通知我哋,戒嚴部隊會喺6月5日接管北京飯店,因為很多境外記者都住喺度。但係曾經有司機出機場被軍隊炸死,所以冇人敢載我哋出機場。好彩另一間飯店願意畀我哋用佢哋部旅遊巴士,由救傷隊隊員義務做司機車我哋五十幾人出機場。」

相關新聞:記協主席堅決留守 拒棄船

「完全消滅我嘅期盼」

「護送我哋嘅醫護人員,係冒住生命危險」,Gloria續說:「臨落車前,我問佢我有乜可以做報答佢哋,佢話唔需要多謝佢哋,只要回港後將真相傳播開去就得,因為佢知道中共一定會將呢段歷史抹去。所以過去嘅25年,我一直堅持呢個承諾,有生一日,我都會將真相傳播開去。」
六四事件後,西方實施對華制裁,歐洲暫停對中國借貸,Gloria認為重返中國已沒有意義。「我曾經對中國好有幻想,相信國家可以走向民主,但係六四完全消滅咗我嘅期盼。因為六四,促使我當時決定離開中國,移民加拿大」。
Gloria於89年12月正式移居加拿大,但她說:「雖然身份改變咗,但係我對自己投身中國同香港民主運動嘅理念冇變過。過去25年,我不斷做見證,畀內地同海外人士接觸到六四真相。」

【六四25周年專頁】燭光不滅,血仍未冷,民主中華,花果漂零。蘋果請你一同見證:良知,從未貶值! http://64.appledaily.com

相關新聞:北京百萬人上街撐學生

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載