蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年05月17日

記協主席堅決留守 拒棄船

曾採訪見證「蘇東波」,岑倚蘭嘆中國未能如東歐變天。

【本報訊】為甚麼香港記者需要居英權的特別保護?香港記者協會主席岑倚蘭說,傳媒屬敏感行業,特別在八九民運後,共產黨對全國記者大舉搜捕。香港記者在民運期間走得最前,基於秋後算賬的恐懼,加速了誘因,97回歸問題而引發的移民潮。
居英權推出後,當時不少記者都有申請,尤其是走中國線的一群。岑倚蘭說:「距離回歸只有八年,六四事件對傳媒人衝擊好大。你見到個政權咁樣對國民,你唔驚呀?」她續說:「大家覺得係一張安全卡,一個保障。八十年代初同我一齊畢業嗰班記者,好多都移咗民,不過有啲後來回流。佢哋好多都有細路,為咗下一代着想,無可厚非。」

相關新聞:移民加國 港人承諾傳播真相

「點解連民主改革都唔得」

岑倚蘭沒有申請移民,她解釋:「份Application form好大叠,睇見就暈低咗。而且唔想去外國生活,可能係民族情緒作祟。」中學時就讀金文泰中學,校內很多來自內地大學的老師,分享很多中國文化。七十年代香港掀起一片「認祖關社」的風氣,認識祖國、關心社會,岑倚蘭隨學聯北上參加學習團,對當時貧苦的中國人無限同情。
「做記者為乜?我覺得做記者要同香港人坐埋一條船,冇錯有咗安全保障,寫嘢可以肆無忌憚,但係就變咗同香港人有個距離,唔係一齊呼吸。」岑倚蘭說。六四後,她加盟《政經周刊》,獲派往東歐採訪由蘇聯解體引發的「蘇東波」東歐變天巨潮。她說:「見到東歐獨裁政權一個一個咁冧,好大感觸。一路採訪東歐變天,一路比較中國,點解人哋可以推翻共產黨,我哋連民主改革都唔得?」

【六四25周年專頁】燭光不滅,血仍未冷,民主中華,花果漂零。蘋果請你一同見證:良知,從未貶值! http://64.appledaily.com

相關新聞:北京百萬人上街撐學生

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載