› 選擇地區
三藩市
紐約
洛杉磯
其他美國地區
香港 台灣 北美
 
2014年05月12日

隔牆有耳:
元秋立會裝聾扮啞 - 李八方

立法會今個星期繼續拉布,人稱「元秋」嘅民建聯蔣麗芸(圖)話,知道自己上周開會期間,聽音樂時俾人(當然係《蘋果日報》攝影師)影咗相。但元秋話,今個星期會繼續塞住隻耳仔,以免同拉布嘅人開拖,仲會展開「倒數」,希望日子快啲過,期望立法會主席曾鈺成盡快剪布。
元秋承認上周的確喺開會期間聽音樂,「我聽音樂咋,唔係睇劇呀!」佢話,開會時要聽音樂,係因為知道拉布嘅議員企圖盡量激嬲建制派,等佢哋反駁,變相齊齊拉布。所以元秋為免自己抵唔住頸,今個星期惟有繼續塞住自己嘅耳仔,形容自己係有口難言:「我一聽到佢哋(拉布議員)講錯,我就想起身反駁。」
元秋噚日出席佢嘅「藝慧芸集」搞嘅烹飪比賽,呢個「藝慧芸集」個名十足十山寨版嘅「慧妍雅集」,成立咗三個月,喺九龍西區內搞吓啲健身、烹飪活動,畀區內嘅婦女參加,明顯就係想吸納區內嘅婦女選票啦,軟銷禮義廉,不過搞手當然冇港姐嘅美色啦。噚日嘅烹飪比賽畀中學生同啲婦女比拼吓廚藝,結果當然係人人有獎,永不落空。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載