› 選擇地區
三藩市
紐約
洛杉磯
其他美國地區
香港 台灣 北美
 
2014年05月12日

隔牆有耳:
打住邊爐傾爭普選 
絕食團謀添食 - 李八方

泛民絕食爭普選第一波撐過16日,而第二波又密鑼緊鼓籌備,料6月進行。講返早前絕食,其間有唔認同運動嘅網民揚言要到絕食現場打邊爐,「暴食爭普選」,不過所謂嘅暴食團風雨即改,終因天雨關係「被迫」取消,八方當時都好惋惜,見識唔到咁另類嘅抗爭手法。

同醫護傾照顧絕食者

不過,八方聽聞絕食團一行近廿人前日去咗旺角打邊爐,唔通想一嘗暴食抗爭嘅滋味﹖非也,佢哋話純粹搵個地方聚頭重溫絕食點滴,傾下爭普選策略先係主菜。
有份參與第一波絕食嘅民主黨總幹事林卓廷話,唔好以為佢哋齋食,其實仲趁機有同醫護人員商量第二波點可以更好照顧絕食者,皆因天主教香港教區榮休主教陳日君樞機等年紀有番咁上下,醫護人員建議搭個大啲帳篷,唔使佢哋擒出擒入,令絕食者瞓得舒服啲,同埋打算限制「探班」時間,俾絕食者有充足休息。
阿廷又話,上次絕食主要係民主黨同工黨參與,兩黨共患難之後變得好老友,合作無間,都算係意外收穫,好似早前反圍標一齊開記招,今日兩黨又拉大隊去灣仔警察總部舉報香港龍獅節籌辦人串謀詐騙公帑。

mailto:pf_lee@appledaily.com

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載