蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年04月13日

「教到佢咁叻 反而害咗佢」

女兒年幼時二人一起到尖東看燈飾的時光,十分溫馨。

【最後說話】
李菁留給父親最後一句話:「對於非常疼錫我的父親,我的心情卻是強烈的恐懼、不安和憎恨。」就如刀刃,直插慈父的心。「點諗到花最大精力培養佢,教到佢咁叻,結果反而害咗佢……」羊爸說。出身艱苦年代,讓他堅信「人定勝天」,也讓他輕視女兒的困難。
父親是國民黨憲兵隊長,文革期間被批鬥,28歲隻身來港,「真係窮到得廿蚊嗰隻」。住過荃灣木屋區、西營盤的板間房;試過在酒樓做打雜、在貨櫃碼頭做苦力。八十年代遇上香港經濟起飛,經朋友介紹,轉做外滙經紀,試過「屙篤屎嘅時間賺層樓」,也試過「蝕到趴直」,金融風暴一鋪清袋,46歲,打回原形。

相關新聞:星期日專題︰給天國的女兒 由一字一淚到閒話家常1,678封家書治癒傷痛

苦撐三年 患抑鬱症

「馬死落地行,走咗去做看更,企喺度開門關門,諗番細個喺鄉下嘅小玩意,手造玩具降落傘,攞番大陸造,喺維園年宵賣」。時值2003年,食正楊利偉太空熱,賣出三萬套,自此以小販為業,四出走鬼擺檔,養活一家五口。就是女兒出事,他也拒絕見輔導員,苦撐了三年,「失眠咗幾個月,有次對住嗰窗喺度喊,想跳落去,同個女團聚」。生死之間,他想起妻女,終向社工求助,證實患上抑鬱症。
「以前咩都覺得頂得住,到自己有病,先明白嗰女嘅心情,呢嗰病,唔係靠意志就搞得掂」。文化中心墟市結束被迫遷,情緒激動寫下遺書企圖跳樓,訪問前一日,他在赤柱擺檔,又被食環署驅趕爆衝突,只是今次,他沒上次激動。「睇吓點先啦,或者有個好心人畀個街邊位我賣嘢都唔定呢。」他說。
《蘋果》記者

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載