› 選擇地區
三藩市
紐約
洛杉磯
其他美國地區
香港 台灣 北美
 
2014年03月18日

蛇王二逃過執笠命運

老店蛇王二店長羅長熙指自由行令區內舖租加幅驚人。

【本報訊】近幾年自由行旅客消費帶動下,跨國名牌、珠寶金行及藥房等紛紛進駐銅鑼灣,租金搶高變相趕絕老字號食肆,包括以生滾粥馳名的森記粥麵專家、利苑粥麵專家、富臨飯店等,相繼敵不過瘋狂加租潮,已結業或搬遷。在波斯富街扎根逾30年蛇王二,租約原定下月到期,但於吉舖潮效應下,業主加租幅度大為收斂,幸運地逃過結業命運。

相關新聞:許留山龍頭店不敵貴租

「點解香港步伐咁快速?」

與利苑相距200多米的老店蛇王二,位處人流極旺的波斯富街,以蛇羹和燒味飯馳名,該舖在現址經營超過30年,劉青雲夫婦、吳鎮宇也是座上客。店長羅長熙見證銅鑼灣變遷,他指以前仍有茶餐廳、粉麵店等地道餐廳,約五年前,熟悉的店舖慢慢消失,被金舖、鐘錶等佔據,「其實好可惜,如果個勢一直咁落去,一個旅遊購物區會冇咗特色,日本、台灣其實唔會咁,點解香港步伐咁快速?」
羅稱現時店內逾半食客是自由行,同時令區內舖租加幅驚人。但自去年下半年起,波斯富街開始出現吉舖,「搬走咗之後,續租能力就冇兩、三年前咁好,以前一間走,另一間就入嚟,𠵱家明顯放慢咗」。在吉舖潮下,業主加租幅度只有單位數,「我哋同業主關係好好,佢嘅觸覺又比較貼近市場,加租都唔係飛擒大咬,有人情味,慶幸今年張約(租約)搞掂」。但他坦言受通脹、人工及租金影響,每碗蛇羹將來要加兩至三元,但都未能回本。
同樣在波斯富街售賣涼果零食的上海么鳳第三代負責人司徒永信表示,內地自由行生意佔七成,「以前佢地落嚟一斤一斤咁買,每個人買3、4,000蚊,但最近可能係半斤、四分一斤,買少咗」。他慶幸在吉舖潮下可以繼續留低,「我哋今年都見到好多吉舖,我哋同業主講咁多吉舖,所以有議價能力,同埋業主好好人,只喺加咗好少(租金)」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載