蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年03月03日

保釣成員赴京上訪遭扣查

麥國風

【本報訊】保釣行動委員會兩名成員古桂耀及麥國風,昨趁兩會開鑼前到北京,準備今天約見人大信訪部及教育部,要求將釣魚島問題列入學校課程,並設立「釣魚列島歷史館」,讓民眾更了解史實,但兩人甫落機便被公安帶入房間問話個多小時,其後兩人表明不會到天安門廣場抗議才放行。
古桂耀及麥國風昨午抵達北京機場後,隨即被公安人員跟蹤,麥國風向本報指,「我特登入去廁所屙尿,諗住試吓係咪跟住我哋,點知佢哋真係跟住嚟,睇住人去小便」。其後兩人在入境櫃位過關時,櫃位亮起紅燈,隨即有公安人員將他們帶到一間房問話。

促釣魚台史實列入課程

麥國風稱:「佢哋最初唔肯講嘢,一路靜默,問佢係咪要扣留我又支吾以對,我嬲到拍枱話:『你哋唔歡迎我,有權唔畀我入嚟,我走囉』。」他指公安其後稱,不喜歡兩人說廣東話而非普通話,「佢哋話聽唔明」,麥引述公安指,「佢哋話我哋要嚟北京,佢哋完全知,但想了解吓我哋係咪會天安門示威?」
麥國風回應不會後終獲放行,「但公安人員都陪住我哋去攞行李,摷晒我哋啲嘢出嚟逐樣檢視」。最終兩人順利回到酒店。麥稱今日會按原定行程到信訪部等部門表達意見,他強調,日本已將錯誤的史料寫入教科書,相反中國卻未有將有關史實列入課程,擔心中國新生代不了解釣魚島事件真相,希望有關建議納入兩會議程。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載