蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年02月27日
馬上成為壹會員

背腳中六刀雙腿斷神經

東區醫院外科部門主管鄧宗毅(左)及骨科部門主管曾偉略(右)向傳媒交代劉進圖的傷勢。 徐雲庭攝

【本報訊】劉進圖,經送院搶救後至晚上仍然危殆。主診醫生指劉的背部和兩腿共中六刀,最長背部一刀傷口長達16厘米,此刀傷更深入體內傷及左胸膛;雙腿更被斬斷神經線,他入院時,醫生要用兩條氣喉釋放其體內氣體。

相關新聞:警尋獲涉案「綿羊仔」

背傷直達左胸腔

主診的東區醫院外科部門主管鄧宗毅表示,劉送院時維生指數穩定,脈搏較快。他說:「做手術過程裏面,喺背部有兩個傷口,一個大約係16厘米長,個傷口相當之深,將所有肌肉Cut咗(斬斷),亦都入咗去左邊胸腔,傷晒所有肌肉,過咗肋骨中間嘅位置入咗去胸腔;就冇傷及喺左邊嘅肺組織,冇傷及主要嘅血管,亦都冇傷及橫膈膜,甚至冇影響左腹部嘅一啲器官。」另一個背部傷口長4厘米,位於左肩膊的較高位置,傷口較淺,經清潔已後被縫合。鄧表示,相信劉進圖需要長時間才可康復。
另一主診的東院骨科部門主管曾偉略表示,劉「每一隻大腿嘅後方都有兩個好深傷口,係十多厘米,每個傷口、每隻大腿都傷及一條主要神經線,已經縫合,所有其他傷及嘅肌肉亦縫合番。」但他表示暫時未知傷口會否影響劉日後的活動能力。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載