蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年02月25日

黃定光認早知李慧玲是誰

【本報訊】在議事堂上吐出「不知李慧玲是誰」的立法會議員黃定光,被指在立法會上「講大話」。曾與李慧玲主持節目的郭志仁指,黃不可能不認識李慧玲,因為對方曾在一場飯局中對他說:「叫你拍檔唔好咁chur,有時唔好去得咁盡。」黃昨否認曾與郭飯局,但承認知道李慧玲是誰,指當時在議會的意思是「不認識」李,「李慧玲係邊個我係知,但知同識係兩回事,我夠知鄧小平啦,咁係咪鄧小平識得我先啦?」
立法會上周五討論是否以特權法調查商台解僱李慧玲一事,民建聯黃定光在會上指李慧玲是「小爬蟲」,之前不知道李慧玲是誰,「呀李慧玲係邊個,我當時真係唔知,呢啲咁嘅小爬蟲,點解要攞嚟立法會P&P(特權法)咁大件事?吓?李慧玲係乜?我都唔知佢係乜!」
郭志仁昨早在《在晴朗的一天出發》上反駁黃定光不認識李慧玲之說,稱數年前曾與黃在上環二人飯局,其間黃對他說:「叫你拍檔唔好咁chur啦,有時唔好去得咁盡,要收斂吓㗎嘛。」曾與李合作主持《左右大局》的郭表示,他當時的「拍檔」只有李慧玲一人,故肯定黃定光指的人是李,批評黃於立法會上公然講大話可恥。

相關新聞:記協擬收集傳媒「河蟹」情況

辯稱「知唔等於識」

郭志仁及黃定光昨傍晚在商台節目《左右大局》中隔空「對質」,郭明確指出數年前曾與黃用膳,對方「好豪氣」,「嗌到成枱餸,翅呀,好深刻」。黃表示對飯局「完全無印象」,亦不認識郭,「郭先生尊容係點,完全冇印象,喺街上遇到都唔會認得」。黃又表示不明白為何外界會認為他用「小爬蟲」來形容李是無品和侮辱,認為只是形容詞一個。
對於郭指曾與李慧玲在2010年5月11日訪問他,談林彬死因,黃對自己當時談到「唔好將件事拉落左派嗰到」有記憶,但對李慧玲是主持沒印象。
黃其後接受本報查詢時強調「不認識」李,「李慧玲係邊個我係知,但知同識係兩回事,我夠知鄧小平啦,咁係咪鄧小平識得我先啦?」他否認自己講大話,「話我講大話,我一啲都冇講大話,如果唔係李慧玲出鏡多,過往我真係唔知佢尊容係點」。他解釋二人素未謀面,「根本唔識得佢,知唔等於識。」
他又重申不認識郭,「講到似層層,話我好豪,請食翅,冇乜理由咁豪啩,一般傳媒見面,大家工作餐㗎咋喎,仲話我one by one單獨(見面)就更加少,我同佢非親非故,有乜理由同佢單獨食飯?都不合情理」。他向記者解釋,所謂「相識」,是「見得多,你知我個名,我叫得出佢個名,咁咪叫識囉。」

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載