› 選擇地區
三藩市
紐約
洛杉磯
其他美國地區
香港 台灣 北美
 
2014年02月03日

少女寧街頭賣唱 拒減肥做偶像

【本報訊】肥人在香港沒有市場,她卻不理歧視目光,一直在唱。在街頭唱歌的22歲張潔瑩上月參加東方衛視《中國達人秀》,靚聲震撼內地13億人,獲內地傳媒封為「港版Adele」。在香港,她並非沒遇過伯樂,但唱片監製找她簽約時卻要求纖體,音樂用耳聽不用眼看,她寧願留守街頭而不飛上枝頭;被驅趕是尋常事,觀眾幫口「留住」歌聲,抵銷一切辛酸。記者:姚國雄

相關新聞:「畀錢唔係施捨係欣賞」

張潔瑩(Kit)在《中國達人秀》1月5日出場,演唱英國女歌手Adele名曲《Rolling In The Deep》,成熟聲線震撼人心,現場觀眾至中段已尖叫,齊齊站立為這位「胖港女」打拍子,評判兼影星劉燁、趙薇、蘇有朋及台灣金牌製作人王偉忠接連讚賞,四個Yes送她入複賽,令張母感到光榮。
Kit其實早有機會在港一唱成名。她接受本報訪問時憶述,一年前有著名音樂監製一邊邀她談簽約做歌手,一邊拋下這句話:「我本人唔係唔鍾意你呢啲身形,但係你知道香港嘅市場要瘦啲靚啲,marketing會易啲。」聽罷她耳邊響起這一句:「如果你有呢把聲,再減吓肥,我都對你幾有信心。」
「人哋想簽、我唔想纖」,身邊人勸她飛上枝頭,但Kit決定留守街頭,拒入畸形樂壇:「唔會因為要做歌手而去減肥,如果你係鍾意我嘅音樂,你係用耳仔去聽。如果你覺得我好樣衰,你瞇埋眼先,先聽吓我把聲,再打開雙眼,睇吓有冇覺得順眼咗?」還是那句老套話:「我做好自己,討好鍾意我啲人。」

曾受刁難 「話我哋係乞兒」

就如遊行,走上街頭,總有原因。有點鬼妹仔性格的張潔瑩哈哈大笑稱:「因為冇人聽我唱歌,所以出街唱!」在街頭唱歌,聲音好壞、觀眾多少,難以騙人:「喺街唱歌,無論你樣衰又好,肥又好瘦又好,佢停低係因為你把聲,唔係因為你特別靚,當然靚女特別多人睇。」
受刁難的時刻,教她刻骨銘心:「俾人話我哋行乞,話我哋犯法,話我哋係乞兒。」她與同名好友張潔瑩(Carol)在街頭唱歌而相識,多難聽的話,兩生花聽過記着一輩子。本身是音樂治療師、曾在九展開個人演唱會的Carol說,有人曾問她爸爸:「點解你個女讀完碩士走去乞錢呀?」

相關新聞:《中國達人秀》內地熱爆

警察趕人 聽眾幫口求情

尖沙嘴文化中心地上有條白色警戒線,Carol說一旦逾越,十面埋伏的保安、警方便「擰着頭」走過來:「佢哋會話:呢度係文化中心管轄範圍……但其實我哋唔係傷害別人,好多人都聽得好開心,試過有市民走上去同警察講,叫佢哋唔好再趕我哋走。」
某夜,Kit在萬轆奔騰的銅鑼灣崇光外唱歌,遭擲冬菇和粗口問候:「佢哋走埋嚟話:『你唔好喺度影響市容,你勁嘅,就唔使出街玩啦』!」不讓意志被打沉,惟靠唱歌,就如Adele名曲首句「There's a fire starting in my heart, reaching a fever pitch and it's bringing me out the dark」。
Kit於《中國達人秀》的表演,可到此網址觀看: http://www.youtube.com/watch?v=uzbcECj5ux8&feature=youtube_gdata_player

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載