蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年02月01日

桂林街新年夜市 地道小吃重現

初一晚深水埗桂林街一帶擺滿小食檔,吸引大批市民「搵食」。司徒韋桐攝

【本報訊】年初一凌晨深水埗港鐵站D出口飄來濃郁異香,香味來自桂林街數十個小販檔,混雜了臭豆腐、炭烤肉串和即叫即蒸鮮蝦腸粉。數十款美食限定年初一至年初三供應,有網民戲稱是「桂林街夜市」。捧場市民慨嘆商場和領匯貴租扼殺地道小吃,只能趁過年才可以大飽口福,「呢度傳統啲、地道啲、污糟啲,有香港特色啲!」

市民望政府保留

深水埗高登電腦商場外的一段桂林街,大部份商舖在大年初一至三「收爐」,大批小販就打開炭爐和電爐,在行人路及馬路兩旁擺檔,售賣小食各有名堂。腸粉檔並非使用預製腸粉,檔主將米漿倒在特製蒸籠,再捲着鮮蝦、牛肉或叉燒,每份25元。油浸魚蛋檔檔主表示自製靚魚蛋,並非一般以麵粉和萬年油製成的次貨,「自己都食呢啲,唔想(人哋)覺得食麵粉,咬落係粉,唔係彈牙」。
食環署去年曾大規模掃蕩,令檔主經常「走鬼」,前晚未見有職員突擊檢控。市民Larry每逢新年來捧場,他讚揚桂林街小吃較多元化,「旺角舖頭都係煎釀三寶大路嘢,比較standard(標準),呢度比較多樣化」。他指舊區越來越少,新市鎮如將軍澳又未能容納街頭小吃,希望政府可保留特色小食,「青衣(長發)以前都有,𠵱家都比領匯商場化咗,我覺得係大勢所趨冇辦法,惟有過年嚟呢到憑弔吓」。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載