› 選擇地區
三藩市
紐約
洛杉磯
其他美國地區
香港 台灣 北美
 
2014年01月27日

方心讓帶挈 5元贏3,000元

范徐麗泰(右二)那些年曾與姐姐(左)拉頭馬;右為其父徐大統。
受訪者提供圖片

【特稿】
范太與馬的緣份,該由她父親徐大統說起。「一滿18歲,我就跟爸爸入馬場;爸爸隻馬贏咗,我就同家姐一齊拉頭馬。」在馬場度過的花樣年華,范太一直與賭神無緣;難得一次「刀仔鋸大樹」,多得方心讓醫生帶挈。

相關新聞:馬會百年來首位女大董 談政改無貼士范太:跑馬好睇過選特首

「鍾意馬場氣氛 好relax」

小時候逢周五,父親便做好作戰準備。「每到星期五上晝,佢(徐大統)就已經開始同朋友通電話交換消息;到星期六朝早就更忙,當時只有跑馬地有馬跑,仲只跑星期六日馬,我細個印象馬迷好鬼忙。」
爸爸的投入,令范太對馬場極嚮往,一到成年急不及待跟爸爸入馬場,從此發現另一個世界,「入到馬場,我真係好鍾意嗰種氣氛,大家都係旨在社交,見吓朋友、傾吓偈、食吓嘢咁,好relax」。
愛入馬場卻不懂買馬,范太笑稱她通常只憑馬名下注,「有時爸爸話佢隻馬有機會贏,都會叫我買」,但「幾乎場場輸」,對某次罕有贏錢卻記憶猶新:「有次我喺馬場撞到方心讓醫生,佢就話『Rita,畀個貼士你吖,呢場馬,呢隻搭呢隻吖。』結果我咪聽佢講去買連贏,結果5蚊贏咗3,000蚊。」
父親以外,老公范尚德也是馬迷。范太笑稱丈夫雖然經常入馬場,卻志在與一班朋友鑽研馬匹業績,「唔會(沉迷)賭到褲袋剩番返屋企啲車錢囉」。她後來更與丈夫及兒子當起馬主擁有「另具一格」;但親身拉頭馬機會大減,「因為隻馬好多時贏都係星期三,就算係第一次贏都係星期三,我都去唔到(因為主持立法會會議),都係秘書寫紙仔話畀我聽:你隻馬贏咗呀」。
《蘋果》記者

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載