› 選擇地區
三藩市
紐約
洛杉磯
其他美國地區
香港 台灣 北美
 
2014年01月27日

添財記結業 街坊不捨人情味

【本報訊】在本港有65年歷史、於九龍城扎根超過30年的老字號粥粉麵舖添財記,昨日光榮結業。連日來老街坊、街外客紛至重溫昔日味道,嚐一口靚粥、吃一件炸兩,跟這間老字號話別。街坊緬懷,員工不捨,有老店員洗碗26年,養大兩女學有所成,感謝僱主多年來的關顧,「呢度好有人情味,咁好嘅老闆去邊度搵?」

相關新聞:新店主允不拆招牌

員工憂難再遇上好老闆

添財記昨早遲了半小時開舖,老闆跟員工一起吃過早餐後,才拉起大閘迎接新知舊雨,熟客兼武打影星元彪也前來光顧,整天人龍不絕,下午1時半凍檸茶已賣光,炸兩也只剩下最後三碟。譚太跟女兒前日摸門釘,昨提早到來。她以前是九龍城居民,光顧添財記數十年,後來移民澳洲也忘不了那綿粥的舊味,每年返港都要吃上一碗,「就係要食嗰種味道、嗰個感覺,第二度搵唔到,好唔捨得」。

客人多,工作忙,但員工曾大嬸越做越開心。她今年61歲,1987年加入添財記,負責拉腸粉、洗碗,一做26年,「我冇問政府攞綜援,一直有做嘢,一個人養大兩個女」。她說老闆昔日容許彈性上班,才有時間養育女兒成才,如今一個做中醫,一個當連鎖快餐店經理。她坦言捨不得這裏的人和情,「越洗越唔捨得,我希望繼續有得洗,但冇辦法」。
不捨的還有女工玉姐,她在添財記工作4年,起初因兒子仍念幼稚園,只兼職拉腸粉;後來兒子升讀小學,老闆讓她轉做長工,「老闆好好人,返工就我時間,可以照顧個仔,如果唔係,點搵到嘢做」。她擔心日後再遇不上好老闆。
添財記由10兄弟姊妹打理,因經營多年感勞累,決定光榮結業。連日來很多老街坊和街外客紛至緬懷,有人選擇味道重溫,也有人拍照留念。中五學生林同學昨帶同學到添財記,有幸趕及吃最後兩碟炸兩。他說小時候跟祖母前來,不知不覺已10個年頭,「最鍾意食腸粉」,但最緬懷是老舖堅持的「嗌單」方式,「埋單時伙記就咁嗌出去話幾錢,感覺好親切」。老闆之一的榕哥昨由朝早拉腸粉到落閘前一刻,他說有老顧客昨才知結業,不禁流淚,「我哋個心都唔舒服,佢哋咁支持,我哋先有兩餐安樂茶飯」。有客人臨走時慨嘆:「食咗20幾年,冇得再食咯」。榕哥衷心說多謝,就像跟老友告別一樣。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載