› 選擇地區
三藩市
紐約
洛杉磯
其他美國地區
香港 台灣 北美
 
2014年01月26日

雌雄匪偷走病貓
店東稱停藥命危 籲:「畀番個仔我啦」

【本報訊】旺角通菜街一間寵物店飼養的5歲大波斯貓「柏高」,由於身患中耳炎及尿道炎,店東不惜付出昂貴醫藥費醫治,打算讓牠終老。豈料日前卻遭偷貓雌雄賊偷走,店員事後翻看閉路電視揭發事件,擔心牠會遭遇不測,盼擄走者可「原貓奉還」。
記者:文兆麟 馬耀文

「做好心幫幫手呀,畀番個仔我哋啦!」由於店內的前任鎮店貓店長「嬌嬌」,於四年前亦離奇失蹤,對於今次柏高被擄走,除擔心其安危外,亦恐牠會一去不返,店東及店員們連日來均擔心不已。

翻看閉路電視始揭發

該間失貓的寵物店叫Q-pets,據貓店負責人彭小姐稱,前日早上10時許,店員上班後見柏高不知所終,擔心下遂翻看閉路電視,驚覺原來柏高於上周四(23日)下午3時許被人偷走。從影片中可見,一對男女賊人走進店內游目四顧,先將店內一個230元的貓籠放在一暗角,再靠近擺有每隻價值逾5,000元的蘇格蘭短毛貓的櫃,但因櫃已上鎖無法開啟,其後兩人才打柏高主意。
女賊走近坐在紙皮盒上的柏高,先以手撫摸其頸部試探,見牠未有反抗,由男同黨僅用五秒時間,將柏高捉進貓籠,再由女賊取來一個罐頭貓糧向近門口收銀員詢問:「呢隻嘅蛋白質含量有幾多?」正當店員熱心代為尋找答案時,男賊卻伺機將被困在貓籠的柏高偷走。
「老闆好錫佢,每次都會用近2,000蚊醫藥費,有次仲用咗過萬蚊醫佢嘅耳。」彭小姐續稱,雖然與柏高同類的波斯貓可賣近6,000元,但柏高卻已閹及有病,飼養費高昂,「如果停食,好可能有生命危險!」因此希望有人能良心發現並且歸還柏高,她們亦不會再作追究。

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載