蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年01月13日

隔牆有耳:
「梁逸峰」反欺凌自白 - 李八方

憑兩首古詩、古詞走紅嘅中學朗誦冠軍梁逸峰,日前喺facebook出現咗個人專頁,疑似係梁同學自白,上載咗300幾字嘅「個人」感想,話自己「一切安好,不用擔心」,又話「希望高登的朋友們不要進行網絡欺凌」。
梁逸峰專頁上周五(10日)成立,原以惡搞圖「大朗誦家」(圖)做封面。佢話朗誦片被網絡熱傳,已到咗「有華人的地方,就知梁同學」。佢對於朗誦文化、香港教育制度同政府一樣「沒有IC」(no eye see,冇眼睇)。佢話自己喺香港電台表演朗誦之外,仲希望喺「香港電視,代表香港,表演朗誦,為香港爭光」。高登仔呢輪惡搞梁逸峰短片越嚟越多,佢希望巴打、絲打唔好網絡欺凌喎,平時見到好多反特首嘅帖「很討厭!」,佢都有讚吓高登仔二次創作佢條片,水準超高,所以「梁同學」支持創作,反對網絡23條。但係呢個專頁,真係好假,似係惡搞囉。
浸大語文中心副教授胡燕青前日都喺fb撐梁同學,佢話「我其實喜歡梁同學,他很出色。只是認為他的老師教錯了」。胡老師話唔識梁同學,只係同情佢,仲呼籲同學仔參加浸大獅子山詩歌朗誦會,了解吓正確嘅語言美學。

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載