› 選擇地區
三藩市
紐約
洛杉磯
其他美國地區
香港 台灣 北美
 
2014年01月07日

子承父業 科大高材生做扎鐵佬

【記者彭碧珊、梁煥敏報道】在科技大學畢業的高材生楊偉業,一年多前毅然放棄舒適文職,與兄長一同「子承父業」當上扎鐵工,現時月薪三萬多元,今年預期還可再加薪逾一成,向三年內儲錢買樓首期目標進發。希望兒子做銀行家的父親,對偉業的選擇百感交集,只望他注重安全之餘,將來考取工程師執照,設計良心樓宇,「不要得個發水露台但冇房」。
「初時同老竇講想學扎鐵,以為佢嘅工作好簡單,但自己第一次抽起手鐵先發現,原來老竇『非常勁』。」楊偉業憶起初學扎鐵的經歷,身旁的父親聞言即說︰「老竇唔係勁,係窮,冇辦法……以前讀書少。」年長一輩眼中「少時唔讀書,大時當咕喱(苦力)」的觀念,在新一輩的職場或已漸漸改變。
63歲楊父79年入行當扎鐵工,坦言「做地盤都係為搵食,賺啲都係辛苦錢……判頭拖糧隨時半個月,試過要罷工先有糧出!」
90年代楊父轉行做裝修,經歷過金融風暴,目睹建築工人日薪勁跌三分一至800元,深深體會地盤工搵食艱難。

高考3A2B 感文職沉悶

老楊咬實牙關供養幼子偉業大學畢業,未料下一代卻走回自己的辛苦路,他百感交集︰「其實阿仔讀金融,我都有幻想過自己做銀行大班個老竇㗎,但𠵱家冇諗啦!」
28歲偉業高考有3A2B,畢業於科大計量財務系,是典型高材生,畢業後曾跟父親當裝修工作及採購公司文員,但感文職工作沉悶,兩年前與哥哥齊報讀建造業議會扎鐵課程,跟父親同做扎鐵佬。
偉業坦言喜歡地盤佬工作「均真」,薪酬制度也較公平:「以前做辦公室又OT又通頂人工不變,𠵱家做地盤OT會雙計,過咗午夜時間更加三計四計。」他坦言朋友對他選擇做「地盤佬」,起初覺得浪費了學歷,一年已過他仍堅持下去,還打算日後修讀工程師課程,令朋友刮目相看。
他計數的能力亦漸派上用場,因懂英文懂電腦,判頭遂讓偉業到寫字樓看圖則,幫手計算扎鐵需求量及寫「開料紙」,然後再給地盤師傅參考,扎鐵工兼做文職自然獲上司賞識。
偉業現時月薪已過三萬元,今年還再加逾一成薪金,他希望三年內儲到數十萬元首期買樓。身旁的楊父則有多一份期望︰「安全第一,搵錢第二。作為父母,除咗希望個仔踏實工作同注意安全外,仲希望佢早日拍拖,成家立室。」

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載