蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年01月05日

存活率零 父母:經歷10個月生命好開心
沒有頭蓋骨BB 堅強活了10小時

464,163

【本報訊】沒有頭蓋骨的BB,生存機會是零。已有兩名女兒的頌恩,在懷孕初期檢查到胎兒沒有頭蓋骨,明知兒子一出生就迎接死亡,但仍沒有放棄他,選擇提前展開親子關係,珍惜與胎兒相處的一分一秒。懷胎10月,BB出生10小時就離開世界,留下的,是永遠的思念。
記者:黎國剛

現年30歲的陳頌恩,和任職教會傳道人的丈夫朱子溢結婚近五年,育有三歲半長女嘉惟,和兩歲多的細女巧曈。去年5月初,她懷了第三胎兩個多月,進行第一次產前檢查時,醫生說:「似乎有啲嘢喎。」由另一位醫生再照一次超音波,證實胎兒沒有頭蓋骨,醫生坦白說:「零存活率。」頌恩首次在人前失聲嚎哭,在旁安慰的子溢,離開醫生房後也忍不住落淚。
因懷孕辛苦,頌恩有一刻想過放棄,但當晚夫婦倆商量了數小時,「生命唔係我哋去掌管,唔係我哋有權去拎走呢個生命」,遂決定讓BB出世,頌恩認為:「只能夠喺陀住BB嗰段時間,做好佢嘅爹哋媽咪。」

取名「瑋恆」指珍貴永恒

有朋友勸他們放棄,也有親友送贈如何面對BB流產及辦理BB後事的書籍,但頌恩夫婦更重視與胎兒一起的日子。兒子未出世,他們已起了名字「瑋恆」,意指珍貴和永恒。
「同埋瑋恆一齊去玩,去食嘢,去澳門;亦都介紹畀朋友知,BB係瑋恆嚟」。懷胎10月,頌恩感受生命的神奇,「頭幾個月覺得瑋恆唔係好郁,但後嚟九個月BB會頂我個胃、轉身、踢腳,都郁得幾犀利,知道出世會係幾活躍嘅BB!」
「有次(瑋恆)踢腳,我摸住家姐(大女)隻手掂BB隻腳,家姐話:『係呀,係呀,細佬踢我呀!』」「細女唔係好識,但後嚟都成日摸我個肚,到𠵱家都仲成日叫BB呀,BB呀!」夫婦早已買了模具,為瑋恆打手印和腳印作留念;外婆準備好瑋恆出生所用的籃子,親友也送上祝福的紙鶴。
也許瑋恆也有不捨,比預產期遲了一周才作動,去年11月26日晚10時57分出生。他眼眉以上沒有頭蓋骨,頭顱平平的,只有皮膚包裹着,頌恩為他戴上姨姨織的冷帽,一刻都沒有離開他。BB重5.3磅,好過預期,與兩位姊姊相差不遠,「都幾正常吖,都覺得呢個BB好特別;原來陀呢10個月,BB都係有吸收嘅」。

辦追思會 遺體捐醫學院

「瑋恆出世冇喊到,亦吞嚥唔到,直至吐咗啲口水同痰出嚟,呼吸暢順咗,發出『𠵱吖、𠵱吖』聲,覺得佢係講緊嘢」,能聽到兒子的聲音,夫婦倆感到高興。翌日早上打開窗簾,見到陽光,BB擰側了頭,「仲開咗少少眼望到㖭」。
出生後,瑋恆「有力捉住我哋嘅手指」、「係堅強度過10小時」,比醫生預期三至五小時長了一倍,於翌日早上8時59分離世。頌恩與子溢相擁大哭一場,「點解生完冇BB返屋企嘅?」即使早有準備,心仍是痛。
「相信傷痛會慢慢好,但對瑋恆嘅思念就永遠唔會停止」。頌恩笑言與瑋恆經歷10個月生命「係好開心」,並於上月15日舉行了追思會。夫婦倆更把瑋恆的遺體捐予中文大學醫學院,遺愛人間;院方鑑於遺體罕見,決定長期保留作教學用途。

足本收睇《亂噏24》x鄭秀文@杜琪峯;再有卓韻芝!
周一至周五《亂噏24》約定你:http://bit.ly/appletalk24

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2018 AD Internet Limited. All rights reserved. 版權所有 不得轉載