蘋果日報 | APPLE DAILY
› 選擇地區
三藩市
紐約
洛杉磯
其他美國地區
2014年01月02日
馬上成為壹會員

對未來沒希望 無殼蝸牛欲離港

呂先生批評市建局無道義,興建劏房當豪宅賣。
楊柏賢攝

【本報訊】昨日元旦遊行,除了為爭取真普選而上街的市民外,亦有被樓價高企害苦的年輕一代,他們營營役役仍難逃「無殼蝸牛」命運,有上街人士說:「冇屋住唔通瞓天橋咩?當然好想買到樓,生活安穩啲。」可惜梁振英上台後,壓抑樓價措施雷聲大、雨點小,雙辣招形同虛設,有上街的年輕人直言對未來沒希望,萌生離港念頭,「覺得呢度唔再係香港人嘅地方,好多嘢俾人搶晒」。

相關新聞:逾94%人撐公民提名京「開價」不能低

「市民根本買唔起」

青年拒當樓奴運動約30名成員昨拉起「長策冇料到,市民好苦惱」橫額,斥政府未有積極增建公屋,「港人港地」政策最終也是以高價賣地予地產商,市民繼續做樓奴,卻養肥地產霸權。早前房署提出研究專上學歷公屋申請人扣分制,也令青年人前景更堪虞,促政府撤回有關建議、大量增建公屋及恢復租金管制。
參與元旦大遊行人士中,任職零售業的80後岑小姐說,近兩年眼見社會越來越不公平,醒覺不能繼續沉默。住屋問題最切身,「個個咁努力做嘢,都係為咗有個安樂窩」,可惜樓價越見瘋狂,「周圍嘅樓都係大集團起,內地人又落嚟炒樓,搶高晒個價,普通市民根本買唔起,香港嘅樓仲係唔係為香港人而設?」
她說,有屋住才有安穩,買樓無望令她氣餒,「我唔會期望政府買埋樓畀我住,但係至少到我要買樓嗰陣,確保有足夠供應係留畀香港人,同埋係一個大家負擔到嘅價錢」。她批評政府猶如「冇牙老虎」,「樣樣你都話會解決,但你做咗啲乜嘢出嚟?我哋真係睇唔到」。

市建局衰過地產商

中年人呂先生多年前買入自住單位,逃過癲價風暴。他從事投資,相信自由經濟,認為政府不應出手壓抑樓價,但主動提供普遍市民能夠負擔的住屋,是責無旁貸。他指,政府應藉樓宇翻新或重建,增加公屋及居屋供應,偏偏市建局反其道而行,「起個250呎劏房就當豪宅賣,廚房細到身都轉唔到,呢啲樓唔係人住」。他批評市建局無道義,比大地產商更過份。

相關新聞:票站排長龍 系統大擠塞 市民辛苦投票信有得揀

足本收睇《亂噏24》x劉嘉玲; 鄭秀文@杜琪峯再度登場!
周一至周五《亂噏24》約定你: http://bit.ly/appletalk24

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載