› 選擇地區
三藩市
紐約
洛杉磯
其他美國地區
香港 台灣 北美
 
2013年12月20日

上架費一次過收20萬

超市的平價貨,都是供應商的血淚。黃永俊攝

【條款苛刻】
惠康、百佳超巿霸權,遭欺壓的供應商只敢匿名跟消委會、傳媒等吐苦水。有供應商向本報表示,超巿收取貨品35%毛利仍嫌不足,逼供應商簽訂不公平合約,需繳交超巿開新店費、廣告費等;另收貨品上架費,動輒數十萬元計,「未見官已被超巿打咗三十板」。超巿為牟取更大利潤,更以終止定單,威脅供應商不能平賣貨品予其他商店,甚至「見啲貨好賣,攞埋供應商代理權自己做」。
跟惠康、百佳打交道五、六年的供應商王先生(化名)說主要向超巿供應麵食醬油雜貨,「同兩大超巿簽約,列明要畀新店開張費、廣告費,損壞貨品費;收錢方法好無賴,超巿貨款,九折找數。唔理係咪真係有新店開,係咪有貨損壞」。

相關新聞:競爭法無力 申訴無門

起飛腳搶廠家代理權

貨品另收上架費,每款貨品每間超巿收300元至600元不等,大約可放約兩、三個月,「麵食有唔同味,每款都收錢,逐間店擺逐間店計,有幾種味道嘅即食麵,上架費動輒三、四十萬」。若貨品銷量欠理想,超巿藉要求下架斂財;若貨品銷量滿意也非好事,「啲貨賣得好得滯,超巿更加會飛起廠家,攞埋代理權自己賣」。王先生指出,不少行家被欺壓至退出超巿,「我哋𠵱家運一個貨櫃嚟,七成貨畀超巿,唔使蝕有微利就好開心,另外三成貨會畀吉之島、一田等日式超巿,呢度先賺到應得利潤,先生存到」。
糧食供應順發行負責人鄭國榮指,多年前擬將貨品在超市出售,雙方商談時,對方表明要付上架費,一次過20多萬元,「又話要獨家兼拖數幾個月,有各種名目收費」,合作拉倒,他自己開店、批發予街市檔與超市霸權抗衡。
《蘋果》記者

足本收睇《亂噏24》x DADA陳靜;跟住有嘉玲姐駕到!
周一至周五《亂噏24》約定你: http://bit.ly/appletalk24

相關新聞:抄正牌推自家貨搶客

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載