政府至今冇斷言公民提名違法，學民思潮就繼續用韌力推銷佢哋嘅公民提名方案，最近搵嚟唔少演藝界人士拍片，希望市民對佢哋爭取嘅「全民提名，全民普選」有更多了解，新近撐場者就係卓韻芝嘞。
話晒係才女，卓韻芝喺片中都有好得意嘅比喻，佢將香港形容為十幾歲嘅後生仔，當身邊突然有好多事發生，突然思緒好混亂，梗係會有荷爾蒙失調之類情況，但覺得呢個過程就係成長嘅必經階段，而肌肉必須經過阻力先至會長大，呼籲大家遇上困難時候就諗吓，今次又係測試肌肉嘅時候，仲話希望自己表達意願嘅時候，至少會得到最基本嘅尊重。政改諮詢三人組收到未？
有料放？想收料？入嚟【蘋果互動】啦！
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange
