› 選擇地區
三藩市
紐約
洛杉磯
其他美國地區
香港 台灣 北美
 
2013年12月17日

隔牆有耳:
愛月旦政事 唐唐撐阿松選特首 - 李八方

唐唐同阿牛好似傾得好開心咁喎。楊柏賢攝

立法會噚日宴請舊議員,包括1991年入立法局嘅唐唐在內等20位前任議員都有出席;今年94歲、首位來自基層嘅立法局議員王霖都有現身,仲同前立法局主席黃宏發喺黃宏發畫像前影相㖭呀。呢次午宴冇人掟雞蛋或路姆西,但高登男神范國威就邀請唐唐同佢自攜嘅路姆西合照,唐唐死都唔肯,笑住話「唔好玩啦」,可能唔想與狼英同場。
講明唔再參選特首嘅唐唐,退下火線月旦政事好過癮,噚日講到前財爺梁錦松突成下屆特首熱門,佢大讚對方喺金融界同政府都有豐富經驗兼好能幹,如果阿松有興趣,佢都相當鼓勵參選,但先旨聲明阿松冇同佢透露係咪想去馬。
阿松03年因買車醜聞落台喎,唔係包袱咩?本身有感情缺失、大宅又有僭建嘅唐唐就以過來人身份話呀,「冇一個人成世都冇錯、冇做錯過任何嘢,我嘅僭建事件,我都錯過,但係香港社會會原諒知錯能改嘅人,所以梁錦松喺買車事件辭職,佢作出承擔同付出代價,改過自新,會得到香港市民原諒」。點解聽落似暗寸永不認錯嘅狼振英咁嘅?

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載