蘋果日報 | APPLE DAILY
› 選擇地區
三藩市
紐約
洛杉磯
其他美國地區
2013年12月11日

YouTube公佈2013香港排名

【本報訊】有「諗頭」,毋須再等伯樂招手;有才華,毋須走超級星光大道。一條YouTube足以顛覆傳統媒體的壟斷,初出茅廬中學生、不獲發牌電視導演、平平無奇「觀音兵」,都可大放異采。YouTube昨公佈2013年度香港熱門影片排行榜,「一生只想尋找一個肯挨(捱)麥記的女人」排行首位、「14巴港女」居次、「警界線」排行第三,點擊率勝過二線劇集。
記者:張嘉雯

相關新聞:蘋果動新聞成最熱門頻道

短片網站YouTube公佈2013年度香港熱門影片排行榜,由網絡作家張晨散文改編而成的短片「一生只想尋找一個肯挨(捱)麥記的女人」,全球點擊率超過170萬次,成為「非音樂影片」排行榜的榜首。由於今次排名只計算香港用戶點擊率,轟動一時的「14巴港女」怒摑跪地男友事件,雖全球點擊率超過逾184萬次,也只能屈居第二;第三位是長達42分鐘、由香港電視網絡製作的「警界線」,全球點擊率逾118萬次。YouTube不願意公佈有關影片的香港用戶點擊率。

王維基:畀我哋一個肯定

麥記短片導演、今年19歲的中學生李定軒坦言不習慣出街被注視,希望別人不要對他有過高期望,「都係平常心,其實有少少困擾,好多人都睇住你做嘅事」。
港視主席王維基對「警界線」在短短半年內得到過百萬點擊率感欣慰,感謝網民支持,「係畀我哋一個肯定,我同我啲團隊都好開心」。他未有透露會否以其他渠道發放餘下各集,「希望遲啲可以同一般觀眾見面啦,我哋仲有好多嘢努力緊」。《警界線》導演蘇萬聰對排名感高興,「一般嚟講YouTube都係啲MTV或者趣味短片,我哋成42分鐘咁長嘅片都攞到第三,多謝觀眾願意睇」。對於港視不獲發牌,他認為可惜,希望其他各集可以「重見天日」,「好多人唔識上網,仲有好多人未睇到呢套劇」。

相關新聞:捱麥記YouTube冠軍 主角:我唔係女神

新媒體有助突破壟斷

經常用新媒體宣揚政見的立法會議員范國威指,新媒體宣傳功效大、滲透力強,即使缺乏資源的巿民也可參與其中,「唔會受制於大財團牢牢掌握嘅媒體,無論巿民發聲、團體動員,新媒體都有舉足輕重嘅作用,同傳統媒體自我設限唔同,可突破呢種壟斷。」
他又指,新媒體促進二次創作,較過往單向吸收資訊不同,「𠵱家主流傳媒反而係透過新媒體去掌握民情,特別係09年底嘅反高鐵事件,到最近嗰次香港電視,下晝三、四點宣佈唔發牌,傍晚已經有17萬人Like,好巨大迴響。」

杜琪峰&鄭秀文齊齊《亂噏24》同3個大帝吹吹水!
周一至周五《亂噏24》約定你: http://bit.ly/appletalk24

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載