› 選擇地區
三藩市
紐約
洛杉磯
其他美國地區
香港 台灣 北美
 
2013年11月29日

何韻詩鼓勵銀行同志出櫃

藝人何韻詩昨走入銀行,分享經驗,鼓勵環境許可的人出櫃。高盛提供圖片

【本報訊】由舞台到街頭,再踏入銀行,「何韻詩」三個字不僅代表一位女歌手、出櫃藝人,同時是「同志啦啦隊」。去年公開性取向的何韻詩昨到銀行出席活動,分享出櫃心路歷程,鼓勵有條件出櫃的銀行界朋友,「呢個世界仲係好荒謬,我同你必須要行出嚟」。

相關新聞:關顧同性小組成立 明光社有份 基右思想 恐入侵教區

「為更公平嘅世界努力」

「我𠵱家唔係做緊一件壞事,唔係打劫銀行,而係為緊一個更公平嘅世界,更開通嘅世界努力」。大愛同盟成員何韻詩昨出席跨國銀行高盛同志「驕傲月」分享活動,鼓勵有條件出櫃的銀行業同志站出來,「唔係為自己爭取,而係為成個community(社會)」。
200名高盛員工和銀行同志友善組織Interbank成員出席活動,支持LGBT社群的員工向何取經,包括如何支持仍未出櫃同志、出櫃對事業的影響,何認為時代一直改變,「以前我都諗財經界未必咁支持,但過去呢一年係eye opening,原來有香港公司會咁公開支持員工做自己」。她指出櫃亦影響事業,但只是暫時性,「唔會話畀你聽一定要咁做(出櫃),畀壓力人哋要咁做,而係我哋大家要向呢個方向行,當你有一個咁好嘅環境去踏出呢一步,我覺得就必須要去做」。
何曾接獲同志老師的來信,「佢喺工作中真係冇法做到自己,甚至乎咗去一個extreme(極端),佢要喺佢同事討論緊一啲異性時參與討論」。她認為越多人站出來,越能展現同志真實一面,「同志呢個label(標籤),只不過係我哋自己好細嘅一部份,我哋除咗係同志之外,都係一個人嚟」。

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載