› 選擇地區
三藩市
紐約
洛杉磯
其他美國地區
香港 台灣 北美
 
2013年11月29日

關顧同性小組成立 明光社有份 
基右思想 恐入侵教區

【本報訊】天主教香港教區昨宣佈成立「教區關顧同性吸引人士牧民小組」,專責照顧教會內外的同性戀者,成員除了倫理神學家之外,還包括明光社董事康貴華。不少同志組織憂慮基右(基督教右派)思想入侵主流教會,盼教會保持清醒,勿被基右「綑綁」,有立法會議員指,政府在平權立法上除了考慮教會意見外,亦要照顧絕大部份非教徒巿民的平等權利。
記者:張嘉雯

相關新聞:何韻詩鼓勵銀行同志出櫃

天主教香港教區主教湯漢樞機宣佈成立「教區關顧同性吸引人士牧民小組」,除了教區秘書長李亮神父、倫理神學家吳智勳神父和生命倫理學者譚傑志神父,更包括明光社董事、後同盟創辦人兼多年倡議「拗直治療」的精神科醫生康貴華醫生任顧問,為期兩年,下月1日生效。

陳志全:最後一戰

同志組織對康獲任命感驚訝,人民力量立法會議員陳志全指,相信此乃基督教右派「最後一戰」,「呢一兩年同志平權運動勢頭幾好、氣勢如虹,引發咗傳統保守人士都動員嚟最後一戰」。過去天主教會不會高調反同志,「同明光社、基右團體唔同,佢哋會多啲關注同志,如果畀嗰班基右動員到天主教合流,都係幾大嘅阻力」。他指現任教宗方濟各的言論開明,盼可影響香港教會,「希望教會多啲開明人出嚟,唔好畀基右綑綁到」。

籲考慮非教徒權利

工黨立法會議員、大愛同盟成員何秀蘭指,在平權立法上走得較前的台灣,亦出現宗教反對力量連結的情況。「但係一個政府除咗考慮宗教人士嘅睇法,都要考慮700萬人,絕大多數係非教徒嘅平等權利」。她對教宗方濟各有期望,盼性小眾也得到教宗祝福,「好多教徒都信奉關愛公義嘅原則,但有啲可能被宗教保守勢力誤導,變咗排斥同志,呢種唔係關愛」。
彩虹之約行動召集人、眾樂教會卜莎崙牧師認為名單上的人選傾向保守,並未反映教會內的進步力量,她認為無論基督新教或天主教會,均有逼切需要反省有關議題,希望天主教會小組內有不同聲音討論,並理性思考。卜莎崙指,從國際層面看,同志一直受極大宗教打壓,「佢哋係少數,要被保障,如果反番嚟話佢哋歧視番你(逆向歧視),根本唔係邏輯,佢哋生存都好困難,唔可能仲反過嚟歧視你」。

足本收睇《亂噏24》x 謝安琪;肥螳螂王晶接力上場!
周一至周五約定你《亂噏24》: http://bit.ly/appletalk24

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載