› 選擇地區
三藩市
紐約
洛杉磯
其他美國地區
香港 台灣 北美
 
2013年11月21日

隔牆有耳:搵食搵到將軍澳 
高官飯局新竇曝光 - 李八方

高官、政界人士一向會邀約各界搞中午飯局,既聯繫交情,有時亦當係收風同游說,但自從政府總部由中環搬到金鐘後,因為門常開地點較唔就腳,高官嘅飯局落腳點已經四散。八方發現,新鴻基地產位於將軍澳嘅新五星級智選假日酒店,竟然都成為高官、商界不惜過海嘆番餐嘅新飯堂。
八方日前亦同一位政界人士喺附近相聚,咁啱就撞正旅遊事務專員容偉雄同一眾旅遊業界高層,佢哋啱啱喺呢間酒店內開完會,亦訂好枱食晏。九龍東智選假日酒店雖位處將軍澳,但由政總揸車去只需十幾二十分鐘,酒店又新落成,中西高級餐廳座位寬敞,一啲都唔失禮。

中環食飯貴 尖嘴多熟人

講到開飯,八方聽聞,酒店內有一間日本餐廳稻INA by Inagiku,係稻菊嘅姊妹店,品質唔錯,但價錢走平民化路線,都好多政界人鍾意去試吓,只係座位逼咗少少,傾嘢要細聲啲囉。
唔少高官平日都會揀去尖沙嘴區約人食晏,因為由新政總去尖沙嘴坐港鐵好方便,再由尖沙嘴站行返上地面,可以揀嘅中高檔食肆都好多。加上政府批准嘅午飯消費限額只係每人350蚊,尖沙嘴嘅消費又比中環低,唔會超出預算。但係尖沙嘴因為實在太方便喇,有時高官為免周圍熟口熟面撞見熟人,又想飯局低調啲,惟有又回流番中環。

mailto:pf_lee@appledaily.com

有料放?想收料?入嚟【蘋果互動】啦!
【蘋果互動】是蘋果日報與讀者緊密互動、放料及收料的聚腳地。
http://fb.com/AppleDailyExchange

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載