› 選擇地區
三藩市
紐約
洛杉磯
其他美國地區
香港 台灣 北美
 
2013年11月20日

阿叻:我死咗,香港就冧

【本報訊】藝人「阿叻」陳百祥為無綫多次向網民發表「挑機」言論,揚言倘若台慶收視跌到兩、三點便會「跪回家」,狂擦無綫鞋,阿叻昨晚完騷後,風騷接受記者訪問,他說:「聽日12點就知收視,真係得兩、三點我咪返嚟表演,過30點就高興啦。」有網友叫阿叻收溪錢,他說:「呢個世界有人儍,有人癲,唔理佢哋,我淨係做番畀鍾意啲人。」阿叻表示今日會到商台接受陳志雲主持節目《在晴朗的一天出發》訪問,阿叻說:「噚晚綵排到好夜,今日先冇去,我去係畀面陳志雲,TVB冇畀壓力我,我唔使同管理層交代,TVB係唯一一間請得起我嘅機構。」臨走時,阿叻仍囂張說:「如果我死咗,香港就冧。今晚管理層仲估計聽日收視最低34點(218萬觀眾),最高39點(250萬觀眾)。」
阿叻昨晚擔任台慶司儀及表演台慶項目,在節目開始之前,阿叻以要準備為理由,未有接受記者的訪問。昨晚身穿大紅格仔西裝亮相的阿叻,開騷前繼續狂擦無綫大老闆、「殼王」陳國強鞋,主動上前握手兼搭膊頭影相。

相關新聞:逾百警「禁錮」示威者

台慶hea住表演

其後阿叻又聯同女藝人葉翠翠、呂慧儀和沈卓盈在台上表演「花式足球狂熱」項目,雖然阿叻事先張揚指自己為這個項目排練得如何辛苦,但結果只是見他hea住帶波穿插人群,以及拋完一輪波仔後,擺了一個「懶型」的踩波甫士。

足本收睇《亂噏24》x楊千嬅;影帝張家輝接力上陣!
周一至周五《亂噏24》約定你: http://bit.ly/appletalk24

相關新聞:網民杯葛落廣告商戶

蘋果日報fb,每日分享精選新聞及網絡新鮮事。
返回最頂
壹傳媒: 香港 台灣 | 私隱聲明 服務條款 刊登廣告 聯絡我們 招聘
© 2019 AD Internet Limited. All rights reserved. 版權所有 不得轉載